ស្លៀកពណ៌ខ្មៅទាំងអស់អ៊ីចឹងទៅ BLACKPINK ស្អាតឆ្វាចទាំងបួននាក់ តែ Lisa រាងខុសគេបន្តិច

កូរ៉េខាងត្បូង៖ ថ្វីត្បិតក្រុមចម្រៀងនារី BLACKPINK ពុំបានវិលត្រឡប់មកអង្រួនឆាកតន្ត្រីនារយៈពេលពីរឆ្នាំចុងក្រោយនេះមែន តែឥទ្ធិពលរបស់ពួកគេនៅតែខ្លាំង ខណៈដែលសមាជិកម្នាក់ៗទាំង Jisoo, Jennie, Rosé និង Lisa គឺសុទ្ធតែបានទទួលការងារជាហូរហែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នាថ្ងៃទី៨ខែសីហាកន្លងទៅនេះ គឺជាខួបអនុស្សាវរីយ៍៨ឆ្នាំដែលក្រុម BLACKPINK បានបង្កើតឡើង ហើយក្នុងឱកាសដ៏ពិសេសនោះ សមាជិកទាំងបួនក៏បានចូលរួមកម្មវិធីសម្ពោធខ្សែភាពយន្ត បែបតន្ត្រីរបស់ពួកគេផ្ទាល់គឺ "BORN PINK WORLD TOUR IN CINEMAS"។

ពួកគេសុទ្ធតែបានស្លៀកពាក់រ៉ូបនិងឈុតពណ៌ខ្មៅទាំងអស់ ដោយបានដើរលើកម្រាលព្រំពណ៌ផ្កាឈូកសម្គាល់ឲ្យឈ្មោះ BLACKPINK ដោយសម្លៀកបំពាក់នីមួយៗដែលសមាជិកស្លៀកគឺយោងទៅតាមអត្តចរិតរបស់ពួកគេ។

Jisoo បានស្លៀករ៉ូបខ្លីត្រឹមពាក់កណ្ដាលជង្គង់ មានដៃធម្មតានិងកត្រង់, Jennie បានស្លៀករ៉ូបរឹបរាងសម្រុងត្រឹមពាក់កណ្ដាលភ្លៅ មានម៉ូតដៃមួយ ហើយ Rosé វិញ នាងបានស្លៀករ៉ូបបែបចោមពុងមានផ្កាធំមួយចំកណ្ដាលទ្រូង។ Lisa រាងខុសប្លែកពីគេដោយនាងបានស្លៀកខោស្បែកវែង និងអាវធំបែបស្បែកដូចគ្នា ដែលមើលទៅពិតជាស្រស់ស្អាត និងទាក់ទាញ ខ្លាំង។

បន្ទាប់ពីបានឃើញរូបភាពទាំងនេះហើយ អ្នកគាំទ្រមានការសរសើរអ្នករៀបចំសម្លៀកបំពាក់របស់ក្រុមនេះដែលរកសម្លៀកបំពាក់បានស្អាត និងស័ក្តិសមនឹងអត្តចរិតសមាជិកផងដែរ៕

ប្រភព៖: koreaboo

• រូបភាព
• តារាកូរ៉េ