ស្លៀករ៉ូបបែបចោមពុង Han So Hee កាន់តែស្អាតខ្លាំង លេចស្បែកសចាំង

កម្សាន្ត៖ Han So Hee ដែលជាតារាសម្ដែងស្រីរបស់ប្រទេសកូរ៉េ តែងតែទទួលបានការចាប់អារម្មណ៍ខ្លាំង ពីសំណាក់អ្នកគាំទ្រ ដោយសារសម្រស់ដ៏លេចធ្លោរបស់នាង និងសមត្ថភាពនៃការសម្ដែងដ៏អស្ចារ្យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ So Hee បានកាត់សក់ខ្លីប្រះនឹងស្មា និងបានធ្វើដំណើរទៅទីក្រុងប៉ារីស ប្រទេសបារាំង ក្នុងនាមជាអ្នកតំណាងឲ្យម៉ាកយីហោ OMEGA ដែលនាងក៏បានចូលរួមទស្សនាព្រឹត្តិការណ៍កីឡាអូឡាំពិក ឆ្នាំ២០២៤ផងដែរ។

ដោយឡែកនាល្ងាចថ្ងៃទី៨ខែសីហាកន្លងទៅនេះ Han So Hee បានចូលរួមកម្មវិធីរៀបចំដោយម៉ាកយីហោនេះ ជាមួយនឹងការស្លៀកពាក់ដ៏ស្រស់ស្អាតនិងទាក់ទាញ គឺរ៉ូបបែបចោមពុង អាចមើលធ្លុះដល់សាច់ក្នុងបែបស្បៃៗជាមួយនឹងផ្កាពណ៌ផ្ទៃមេឃប៉ាក់នៅលើនោះ ដើម្បីបិទបាំងរាងកាយ។

ក្នុងនោះដែរ Han So Hee ក៏បានតុបតែងមុខបែបស្រាលៗ ជាមួយនឹងម៉ូតសក់សាមញ្ញៗតែលេចធ្លោគឺគាបឡើង និងទម្លាក់សក់មុខខាងមុខដើម្បីឱបក្រសោបផ្ទៃមុខឲ្យកាន់តែមើលទៅស្រស់ស្អាតទ្វេដង។

ភ្លាមៗបន្ទាប់ពីបានឃើញនាងក្នុងឈុតនេះ អ្នកគាំទ្រលាន់មាត់សរសើរមិនដាច់ថា មិនថាស្លៀកពាក់រ៉ូបបែបយ៉ាងម៉េចក៏សម្រស់នាងនៅតែលេចធ្លោ៕

ប្រភព៖: koreaboo

• រូបភាព
• តារាកូរ៉េ