តុបតែងបែបនេះ Justin ឡើងសង្ហា តែ ហ្វេនៗចាប់អារម្មណ៍ លើរឿងនេះ

កម្សាន្ត៖ តារា​ចម្រៀង​ប៉ុប លោក Justin Bieber បាន​ទាក់ទាញ​ចំណាប់​អារម្មណ៍​ ពេល​ស្លៀក​ខោ​ខ្លី បង្ហាញ​ខ្លួន​នៅ​ខាង​ក្រៅ​ សណ្ឋាគារ​ប្រណីតមួយកន្លែង ​ក្នុង​ Los Angeles កាល​ពី​ថ្ងៃ​ទី ៧ ខែ​សីហាកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀង លោក Justin Bieber បានបើកឡានអគ្គិសនី តែម្នាក់ឯង ទៅកាន់សណ្ឋាគារមួយ នៅ Beverly Hills ខណៈពេលដើរចេញពីឡានទំនើប តារាចម្រៀងវ័យ ៣០ ឆ្នាំរូបនេះ ត្រូវបានគេឃើញកាន់ដបភេសជ្ជៈប៉ូវកម្លាំងនៅក្នុងដៃម្ខាង ហើយអាវក្រណាត់ពណ៌ប្រផេះពាក់លើស្មាម្ខាងទៀត។ តារាចម្រៀងរូបនេះ បានពាក់អាវយឺតពណ៌ស និងខោខ្លីពណ៌ខ្មៅ ហើយខោ​ខ្លីដែល​មាន​ខ្សែ​ក្រវាត់​ផ្កា បាន​ធ្លាក់​ដល់​ភ្លៅ បង្ហាញ​ផ្នែក​ខោ​ឆ្នូត នៅ​ខាង​ក្នុង។

មិនត្រឹមតែប៉ុណ្ណោះ តារាចម្រៀងប្រុសរូបនេះ ហាក់​មិន​ខ្វល់​ពី​ការ​មើល​ឃើញ​ពី​មនុស្ស​ជាច្រើន ចំពោះ​ស្ទីលមួយនេះ និង​បាន​ចូល​ទៅ​ក្នុង​សណ្ឋាគារ​យ៉ាង​សុខ​ស្រួល ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ