ស្ថានភាពទឹកជំនន់នៅខេត្តកំពង់ធំបានស្រកចុះជាបណ្ដើរៗហើយ។ នេះបើតាមសេចក្ដីរាយការណ៍របស់មន្ទីរធនធានទឹក និងឧតុនិយមខេត្តកំពង់ធំ នាព្រឹកថ្ងៃសុក្រ ទី០៩ ខែសីហា ឆ្នាំ២០២៤នេះ។
នៅព្រឹកនេះ ទឹកស្ទឹងសែននៅស្ថានីយ៍កំពង់ធំ ទឹកមានកម្ពស់១៣,៧៥ម៉ែត្រ ស្រកចុះ០,០៥ម៉ែត្រ ពោលគឺស្រកចុះ០,១៩ម៉ែត្រ ចាប់ពីថ្ងៃទី០៦ ខែសីហា ឆ្នាំ២០២៤មក ខណៈនៅស្ថានីយ៍ស្រុកសណ្ដាន់ថ្ងៃនេះ ទឹកមានកម្ពស់១៧,៨៨ម៉ែត្រ ស្រកចុះ០,១៦ម៉ែត្រ ពោលគឺស្រកចុះ១,៣៥ម៉ែត្រ ចាប់ពីថ្ងៃទី០២ ខែសីហា ឆ្នាំ២០២៤មក។ តាមសេចក្តីរាយការណ៍របស់មន្ទីរធនធានទឹក និងឧតុនិយម បញ្ជាក់ទៀតថា ក្នុងរយៈពេល០៣ថ្ងៃខាងមុខនេះ ទឹកនឹងបន្តស្រកចុះបន្ថែមទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមសេចក្ដីរាយការណ៍របស់មន្ទីរកសិកម្ម រុក្ខាប្រមាញ់ និងនេសាទ នាព្រឹកថ្ងៃទី០៩ ខែសីហាឆ្នាំ២០២៤នេះ ថា ស្ថានភាពទឹកជំនន់ទឹកភ្លៀងក្នុងរយៈពេលកន្លងមកបានធ្វើឱ្យប៉ះពាល់ និងខូចខាតលើដំណាំស្រូវរបស់ប្រជាកសិករចំនួន០៨ក្រុង/ស្រុក ក្នុងនោះស្រុកកំពង់ស្វាយ ស្ទឹងសែន ប្រាសាទសំបូរ សណ្ដាន់ បារាយណ៍ សន្ទុក ស្ទោង និងស្រុកតាំងគោក ស្មើនឹង៣៦ឃុំ/សង្កាត់ ១៧៧ភូមិ ដែលមាន៥៣៨៣គ្រួសារ។ ផ្ទៃដីស្រូវដែលរងផលប៉ះពាល់ចំនួន៧៥៨៩ហិកតា និងខូចខាតទាំងស្រុងចំនួន៣៩៤៦ហិកតា ស្មើនឹង៣១៨១គ្រួសារ លើ២៦ឃុំ/សង្កាត់ ១៣២ភូមិ។
សូមបញ្ជាក់ថាការងារបង្កបង្កើនផលរបស់ប្រជាកសិករខេត្តកំពង់ធំគិតត្រឹមថ្ងៃទី០៨ ខែសីហា ឆ្នាំ២០២៤ អនុវត្តបានចំនួន២០៤២២៣ហិកតាស្មើនឹង៩៥,៧៥ភាគរយនៃផែនការ២១៣៣០០ហិកតា ដែលកើនលើសឆ្នាំមុនក្នុងរយៈពេលដូចគ្នាចំនួន៦៧៨៤ហិកតា៕
ប្រភព៖ ក្រសួងព័ត៌មាន
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
