បាត់មុខមួយរយៈ Kao Sophia តារាចម្រៀងឯករាជ្យ ចេញមុខទម្លាយរឿងឈឺចាប់ជាច្រើន កាលរស់នៅទ្រនំចាស់!

ភ្នំពេញ៖ តារាចម្រៀងស្រីឯករាជ្យ Kao Sophia បានធ្វើការបង្ហោះសារ យ៉ាងវែងអន្លាយជាសារធារណៈ នូវវិបិត្ត រឿងផ្ទៃក្នុង កាលនាងរស់នៅទ្រនំផលិតចាស់ ទទួលបានការភ្ញាក់ផ្អើលជាខ្លាំង ពីសំណាក់មហាជន ជាពិសេសអុ្នកនិយមលេងអ៉ីនធឺណែត។

តាមរយៈការបង្ហោះ នៃខ្លឹមសារទាំងនោះបានរៀបរាប់ រឿងដ៏ឈឺចាប់ ដែលបានលាក់ទុកអស់រយៈពេល ជាច្រើនខែមកហើយ ថែមទាំង លះបង់ការងារជិត ១០ ម៉ឺនហើយ ក៏បានចោលឱកាសល្អមួយនិងក្ដីស្រមៃដែលបានសម្តែងនៅប្រទេសក្រៅលើកឡើងថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកទាំងអស់គ្នាតែងតែសួរខ្ញុំថា មួយរយៈធំនេះខ្ញុំស្ងាត់ម្ល៉េះ? អ្នកទាំងអស់គ្នាតែងតែបារម្ភពីខ្ញុំ សួរសុខទុក្ខ ខ្លាចខ្ញុំមានវិបត្តិផ្លូវចិត្តទៀត។ ប៉ុន្មានឆ្នាំនេះមានរឿងជាច្រើនដែលបានកើតឡើង ខ្ញុំខឹង ខ្ញុំស្អប់ខ្លួនឯង ដោយសារខ្ញុំមិនអាចនិយាយអ្វីទាំងអស់ ពេលដែលបានឃេីញអ្នកជំវិញខ្លួនបានត្រូវគេធ្វេីបាបផ្លូវចិត្ត ខ្ញុំទទួលស្គាល់ថាខ្ញុំខ្លាច ខ្ញុំអត់ហ៊ាន ខ្ញុំចោលម្សៀត ពេលដែលត្រូវបានគេគម្រាម។ អរគុណបងខ្ញុំសម្រាប់មួយបទនេះ ខ្ញុំឃើញcommentsច្រើន ដែលបងៗអូនៗអាណិតពួកខ្ញុំ។ ប៉ុន្តែ ក្នុងបទនេះនិយាយមិនដល់ ប្រាំភាគរយក្នុងសាច់រឿងការពិតផង ពួកខ្ញុំគ្រាន់តែជាសិល្បករសិល្បការិនី ចំណែកដ៏តូចក្នុងវិស័យសិល្បៈខ្មែរ ពួកខ្ញុំគ្រាន់តែចង់ធ្វើភ្លេងដោយចំណូលចិត្តផ្ទាល់ខ្លួនហើយក៏ចង់ផ្សព្វផ្សាយទៅអ្នកបរទេសឲ្យពួកគាត់ដឹងថា ខ្មែរអាចធ្វើបាន ខ្ញុំដឹងថាអ្នកឯងមានខ្នងមានខ្សែមានលុយ ប៉ុន្តែខ្ញុំសុំកុំបិទផ្លូវពួកខ្ញុំ ពេលដែលខ្ញុំចាកចេញ ខ្ញុំអត់បានទាមទារអ្វីទេ ផ្ទុយទៅវិញខ្ញុំបានលះបង់ការងារជិត$១០ម៉ឺនហើយក៏បានចោលឱកាសល្អមួយនិងក្ដីស្រមៃដែលបានសម្តែងនៅប្រទេសក្រៅ។វិស័យសិល្បៈយើងតូចណាស់ ពួកយើងគួរតែប្រជែងជាមួយអ្នកក្រៅ មិនមែនប្រជែងជាមួយអ្នកក្នុងស្រុកទេ
ជាចុងក្រោយខ្ញុំសូមអរគុណទៅអ្នកទាំងអស់គ្នាដែលបានគាំទ្រវិស័យសិល្បៈខ្មែរ គាំទ្របទចម្រៀងរបស់ពួកយើង។ ដល់ថ្នាក់ប្រទេសក្រៅបានស្គាល់ អរគុណដែលបានជួយជម្រុញវិស័យសិល្បៈខ្មែរ ហើយក៏អរគុណ សម្រាប់ការអត់ធ្មត់របស់អ្នកទាំងអស់គ្នាមានសម្រាប់ខ្ញុំ។
ខ្ញុំស្រឡាញ់ទាំងអស់គ្នាខ្លាំងណាស់ ដោយសារបើសិនជាមិនមានអ្នកទាំងអស់គ្នាទេ ក៏អត់មានអ្នកស្តាប់បទចម្រៀងខ្ញុំ ហេីយក៏អត់មានSophia Kao ថ្ងៃនេះដែរ។
អរគុណដែលបានផ្តល់ឱកាសឲ្យខ្ញុំ ខ្ញុំនឹងសន្យាទោះជួបរឿងអ្វីក៏ដោយ ទោះអ្នកណាចង់ធ្វើអីខ្ញុំ ក៏ខ្ញុំនៅតែបន្តធ្វើភ្លេងជារៀងរហូត មិនបោះបង់ចោលក្ដីស្រមៃខ្ញុំទេ។
អរគុណ និងស្រឡាញ់អ្នកទាំងអស់គ្នាអស់ពីបេះដូង

Kao Sophia

ក្រោយពីបានបង្ហោះមួយនេះ បានធ្វើឲ្យ មហាជន ក៏ដូចជាអ្នកគាំទ្រ មានការអាណិតជាខ្លាំង មិនគួរណា តារាស្រីរូបនេះ បែរជាជួបរឿងបែបនេះទាល់តែសោះ ទោះជាយ៉ាងណា មហាជនជាច្រើន បានចូលបញ្ចេញមតិ លើកទឹកចិត្ត និងផ្តល់ជាកម្លាំងចិត្តរូបនាងផងដែរ៕

តារាខ្មែរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

បាត់មុខមួយរយៈ Kao Sophia តារាចម្រៀងឯករាជ្យ ចេញមុខទម្លាយរឿងឈឺចាប់ជាច្រើន កាលរស់នៅទ្រនំចាស់!

In Case You Missed It