ក្រោយសុំរៀបការ ពេលនេះ Matt Peeranee និងគូស្នេហ៍ ចូលរោងភ្ជាប់ពាក្យ

ថៃ៖ គឺជារឿងដ៏រីករាយមួយ ដែលបានហ្វេនៗជាច្រើន បានចូលរួមអបអរសាទរដល់ តារាសម្ដែងស្រី Matt Peeranee ដែលបានចូលរោងភ្ជាប់ពាក្យ ជាមួយនឹងគូស្នេហ៍ Fame Phimdej កាលពីថ្ងៃទី ១១ ខែសីហា ឆ្នាំ ២០២៤ ដោយមានការចូលរួមពីសំណាក់សាច់ញាតិ និងមិត្តជិតស្និទ្ធ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ នៅក្នុងពិធីនេះ បានរៀបចំឡើងយ៉ាងកក់ក្ដៅ ដែលជាពិធីភ្ជាប់ពាក្យរបស់ តារាស្រី Matt Peeranee និងគូស្នេហ៍ ខណៈដែលអ្នកទាំងពីរ​​ បានចេញមកបង្ហាញ តុបតែងខ្លួនយ៉ាងស្រស់ស្អាត និងស័ក្តិសមគ្នា ទៀតផង។

ហើយ​ចំណុច​ពិសេស​មួយ ​គឺ​ពេល​ពាក់​ចិញ្ចៀន​ ដែលគូស្នេហ៍មួយគូនេះ បានធ្វើឲ្យហ្វេនៗចាប់អារម្មណ៍ គឺពេល កូនកំលោះ ជាអ្នកប្រគល់ចិញ្ចៀនជូន Matt ដែលជាកូនក្រមុំមុនគេ ហើយបន្ទាប់ពី ពាក់ចិញ្ចៀនហើយ Matt បានឱ្យសញ្ញាទៅ Fame រួច Fame បានក្រាបចុះ នៅភ្លៅរបស់ Matt ហើយនៅពេលក្រោកឡើង Matt ក៏បានថើបថ្ពាល់របស់ Fame ជាការតបស្នង៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ