ថតនៅអង្គរប៉ុន្មានប្លង់នេះ ព្រះនាងតូច ជេនណា ស្រស់ស្អាតគ្មានអ្វីផ្ទឹម!

កម្សាន្ត៖ ដូចដែលប្រិយមិត្តបានជ្រាបហើយថា ព្រះនាងតូច ជេនណា មិនត្រឹមតែមានទេពកោសល្យចេះច្រៀងយ៉ាងពីរោះ និងរាំទាំងរបាំបុរាណនិងតន្ត្រីសម័យយ៉ាងរស់រវើកទេ តែព្រះនាងក៏មានទេពកោសល្យជាច្រើនដូចជាសម្ដែងជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជារឿយៗ ព្រះនាងតែងតែទទួលបានការកោតសរសើរពីមហាជនគ្រប់ស្រទាប់បូកផ្សំនឹងភាពស្រស់ស្អាតទៀតនោះធ្វើឲ្យព្រះនាង តែងតែក្លាយជាចំណុចចាប់អារម្មណ៍របស់មហាជន។ ថ្មីៗនេះ ព្រះនាងបានបង្ហោះរូបភាពជាច្រើនសន្លឹក ដែលទ្រង់បានថតនៅប្រាសាទអង្គរវត្ត តែមកម្ដងនេះទ្រង់មិនបានតុបតែងព្រះកាយបែបបុរាណទេគឺ បានថតដោយស្លៀកពាក់សម្លៀកបំពាក់ទាន់សម័យស្អាតសមសួន គឺអាវដៃវែងពណ៌ស និងសំពត់លើសជង្គង់ពណ៌ប្រផេះ គូជាមួយនឹងស្បែកជើងប៉ាតា មើលទៅសាមញ្ញៗណាស់ តែពិតជាស្រស់ស្អាតខ្លាំងដែលក្នុងនោះ ព្រះនាងក៏បានពាក់វ៉ែនតាមូលៗយ៉ាងគួរឲ្យស្រលាញ់ផងដែរ។

បន្ទាប់ពីរូបភាពទាំងនោះត្រូវបានបង្ហោះ ព្រះនាងទទួលបានការកោតសរសើរពីសំណាក់មហាជនថាទ្រង់ពិតជាមានសម្រស់ស្រស់ស្អាតពីធម្មជាតិ ថតបូកជាមួយប្លង់ទេសភាពដ៏ត្រចះត្រចង់និងមានតេជៈរបស់ប្រាសាទ អង្គរវត្ត ទៀតទៅគឺរឹតតែស្រស់ស្អាត៕

• រូបភាព
• តារាខ្មែរ