CL បង្ហោះរូបជុំគ្នាជាមួយសមាជិក 2NE1 ឃើញ Park Bom ឡើងប្លែ»-កជាងគេ

កូរ៉េខាងត្បូង៖ ដូចដែលប្រិយមិត្តបានជ្រាបហើយថា ក្រុមចម្រៀងនារី 2NE1 នឹងវិលត្រឡប់មកវិញជាមួយនឹងការប្រគុំតន្ត្រីខ្នាតធំមួយ បន្ទាប់ពីបានប្រកាសចូលរួមជាមួយផលិតកម្ម YG វិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរសមាជិកទាំងអស់មិនថា CL, Minzy, Park Bom និង Sandara គឺសុទ្ធតែបានមកប្រមូលផ្ដុំគ្នាដើម្បីហ្វឹកហាត់សម្រាប់ការប្រគុំតន្ត្រីនេះ ដើម្បីត្រៀមអង្រួនអារម្មណ៍អ្នកគាំទ្រសាជាថ្មីក្រោយក្រុមនេះបានបំបែកក្រុមកាលពីឆ្នាំ២០១៧។

ឥឡូវនេះ CL បានបង្ហោះរូបភាពមួយជុំគ្នាជាមួយសមាជិកដទៃទៀតនៅក្នុងបន្ទប់ហាត់សមរាំ ដោយពួកគេទាំងបួនសុទ្ធតែបានឈរបែរខ្នងដាក់កាំមេរ៉ាទាំងអស់។ CL ក៏បាន Tag ឈ្មោះសមាជិកម្នាក់ៗផងដែរ ហើយអ្វីដែលធ្វើឲ្យអ្នកគាំទ្រចាប់អារម្មណ៍នោះគឺរាងរៅរបស់ Park Bom ត្រឡប់មកស្រឡូនដូចកាលមុនហើយដែលធ្វើឲ្យអ្នកគាំទ្រកាន់តែរំភើប។

គួរបញ្ជាក់ផងដែរថាសំបុត្រការប្រគុំតន្ត្រី "WELCOME BACK" របស់ 2NE1 នៅសេអ៊ូលបានលក់អស់ហើយ ដែលនឹងធ្វើឡើងនាថ្ងៃទី៥និង៦ខែតុលាខាងមុខនេះ បន្ទាប់ពីនោះពួកគេនឹងសម្ដែងនៅជប៉ុន និងឈានដល់ការប្រគុំតន្ត្រីពិភពលោកនាឆ្នាំក្រោយនេះ៕  

ប្រភព៖: allkpop

• រូបភាព
• តារាកូរ៉េ