Madonna រៀបចំខួបកំណើត ៦៦ឆ្នាំ ជាមួយគូស្នេហ៍ យ៉ាងផ្អែមល្ហែម

បរទេស៖ តារាចម្រៀងស្រី Madonna បានធ្វើដំណើរកម្សាន្ត ជាមួយនឹងគូស្នេហ៍ ដែលត្រូវបានគេស្គាល់ថា ជាកីឡាករបាល់ទាត់វ័យ ២៨ ឆ្នាំ Akeem Morris ក្នុងថ្ងៃខួបកំណើតគម្រប់ ៦៦ ឆ្នាំរបស់អ្នកស្រី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាល​ពី​ថ្ងៃ​ទី ១៣ ខែ​សីហាកន្លងទៅនេះ តារាចម្រៀង Madonna បាន​កាន់​ដៃ​ លោក Akeem Morris ពេល​ដើរ​នៅ​តាម​ដង​ផ្លូវ​ ក្នុង​ក្រុង Portofino ប្រទេស​អ៊ីតាលី។ តារាចម្រៀងស្រីរូបនេះ បានស្លៀករ៉ូបដ៏ឆើតឆាយ ជាមួយគ្រឿងអលង្ការជាច្រើន។ ខណៈដែល Akeem ស្លៀកពាក់​អាវ ខោខ្លី និង​ស្បែកជើងប៉ាតា ដោយបាន​ដើរ​ជាមួយ​ម៉ាដូណា យ៉ាងផ្អែមល្ហែម។

យោងតាមសារព័ត៌មាន People បានឲ្យដឹងថា Madonna និងកីឡាករវ័យក្មេងរូបនេះ ក៏ត្រូវបានគេឃើញ ជិះទូកទៅមើលសមុទ្រ កាលពីដើមសប្តាហ៍នេះ។ ហើយតារា​ចម្រៀង​ប៉ុបរូបនេះ ​នឹង​ប្រារព្ធ​ខួប​កំណើត ​នៅ​ប្រទេស​អ៊ីតាលី​ នៅ​ថ្ងៃ​ទី ១៦ ខែ​សីហា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ