ទោះមានទ្រព្យវាល់លាន តែ Lisa និងគូស្នេហ៍បណ្ដើរគ្នា ទៅញ៉ាំអាហារនៅហាងឡើងសាមញ្ញ

សហរដ្ឋអាមេរិក៖ ដូចដែលប្រិយមិត្តបានជ្រាបហើយថា Lisa ដែលជាសមាជិកក្រុមចម្រៀងនារី BLACKPINK គឺជាតារាចម្រៀងដ៏មានឥទ្ធិពលម្នាក់ដោយកន្លងមក នាងពុំដែលបានប្រកាសទាក់ទងគ្នាជាមួយនរណាម្នាក់នោះឡើយ ប៉ុន្តែអ្នកគាំទ្រសុទ្ធតែសង្ស័យថា លោក Frederic Arnault ដែលជាកូនប្រុសមហាសេដ្ឋីស្ដុកស្ដម្ភ Bernard Arnault គឺជាគូស្នេហ៍មិនផ្លូវការរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជារឿយៗ គេតែងតែឃើញពួកគេទាំងពីរបានបណ្ដើរគ្នាទៅចូលរួមកម្មវិធីឬទៅកម្សាន្ត ជាពិសេសគឺញ៉ាំអាហារពេលល្ងាចជុំគ្នា ហើយថ្មីៗនេះ Lisa ក៏ទើបតែបានទៅកម្សាន្តនៅលើទូកជាមួយគ្រួសាររបស់ Frederic នៅអ៊ីតាលីផងដែរ។

យ៉ាងណាមិញ កាលពីយប់ថ្ងៃទី១៥ខែសីហាកន្លងទៅនេះ មានរូបភាពមួយទៀតបានបែកធ្លាយ ដោយ Lisa បានអង្គុយនៅនឹងតុញ៉ាំអាហារក្នុងហាងអាហារមួយឯកោះហាវ៉ៃ ជាមួយនឹង Frederic ដែលក្នុងនោះនាងបានតុបតែងខ្លួនយ៉ាងសាមញ្ញខ្លាំង គឺអាវពណ៌ប្រផេះធម្មតាខណៈគូស្នេហ៍ ពាក់អាវពណ៌ក្បឿងនិងមួកពណ៌ស។

ពួកគេដូចជាកំពុងរង់ចាំអាហារឆ្អិន និងសម្លឹងមើលទូរស័ព្ទរៀងខ្លួន ហើយយោងតាមបរិយាកាសក្នុងហាងគឺវាគ្រាន់តែជាហាងអាហារសាមញ្ញប៉ុណ្ណោះធ្វើឲ្យអ្នកគាំទ្រនាំគ្នាកោតសរសើរថា Lisa និងគូស្នេហ៍ពិតជាមនុស្សសាមញ្ញ៕  

ប្រភព៖: koreaboo

• រូបភាព
• តារាថៃ
• តារាកូរ៉េ