តិចអត់ដឹង! មាសឡើងដល់ ៣០២ដុល្លារក្នុង ១ជីសម្រាប់ថ្ងៃទី១៩ សីហានេះ

នៅព្រឹកថ្ងៃទី១៩សីហានេះ តម្លៃហាងឆេងមាសនៅលើទីផ្សារខ្មែរនៅលក់ក្នុងតម្លៃ៣០២ក្នុង១ជី ដែលតម្លៃនេះនៅរក្សារយះពេល៣ថ្ងៃហើយចាប់តាំងពីតម្លៃមាសបានហក់ឡើងខ្ពស់កាលពីថ្ងៃទី១៧សីហាមក។

សូមរំលឹកថា តម្លៃមាសបានឡើងពីដើម ខែសីហាឆ្នាំ២០២៤មក ដោយចាប់ផ្តើមពីតម្លៃ២៩៥ដុល្លាក្នុង១ជី ហើយបានហក់ឡើងដល់៣០២ដុល្លានៅថ្ងៃទី១៧សីហាកាលពីសប្តាហ៍មុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកជំនាញទីផ្សារមាស បានអោយដឹងថា តម្លៃមាសដែលឡើងដល់តម្លៃ៣០២ក្នុង១ជី បានក្លាយទៅជាកំណត់ត្រាប្រវត្តិសាស្ត្រ។ហើយថាតម្លៃមាសដែលឡើងដល់តម្លៃ៣០២ក្នុង១ជីនេះ គឺ ដោយសារការទទួលរងពីឥទ្ធិពល ភូមិសាស្រ្តនយោបាយ សង្រ្គាមនៅអ៊ុយក្រែន  វិបត្ដិសេដ្ឋកិច្ចសកល និងឥទ្ធិពលពីគម្រោងការកាត់បន្ថយពន្ធរបស់ធនាគារអាមេរិក។

យ៉ាងណាក៏ដោយ តម្លៃមាសស្ថិតនៅលើក្រាហ្វិកឡើងសន្សឹមៗ បើទោះពេលខ្លះបានធ្លាក់ចុះមួយរយះពេលខ្លីក៏ដោយ៕

ប្រភព៖ ក្រសួងព័ត៌មាន