តារាស្រី Shin Young ប្រកាសមិនលែងលះនិងលើកលែងទោសឲ្យស្វាមី ដែលសារភាពថា លួចមានកំណា»-ន់ចិត្តខាងក្រៅ

កូរ៉េខាងត្បូង៖ តារាសម្ដែងស្រី Jang Shin Young បានប្រកាសថានាងនឹងមិនដាក់ពាក្យបណ្ដឹងលែងលះស្វាមីជាតារាសម្ដែងដូចគ្នាគឺលោក Kang Kyung Joon នោះឡើយបើទោះបីជាលោកមានរឿងអាស្រូវផិតក្បត់ ទទួលស្គាល់ថាខ្លួនបានក្បត់អ្នកនាង ទៅមានកំណាន់ចិត្តខាងក្រៅក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Kang Kyung Joon ត្រូវបានចោទប្រកាន់ពីបទផិតក្បត់កាលពីខែធ្នូឆ្នាំ២០២៣កន្លងទៅ ហើយត្រូវពិន័យជាទឹកប្រាក់សរុបដល់៣៧៥០០ដុល្លារ ដោយភាគីលោក Kang បានទទួលស្គាល់ថាខ្លួនពិតជាបានប្រព្រឹត្តិទង្វើបែបនេះមែន។

អ្នកទាំងពីរមានកូនជាមួយគ្នាដែលសុទ្ធតែជាកូនប្រុស បន្ទាប់ពីបានរៀបអាពាហ៍ពិពាហ៍នាឆ្នាំ២០១៨ ហើយជារឿយៗពួកគេតែងតែចេញមកបង្ហាញភាពផ្អែមល្ហែមនិងរូបភាពជាគ្រួសារកក់ក្ដៅនៅក្នុងកម្មវិធីជាច្រើនដូចជា "The Return of Superman" ជាដើម។

នាងបានទម្លាយនៅក្នុងសាររៀបរាប់ដ៏វែងអន្លាយថាបន្ទាប់ពីរឿងអាស្រូវផិតក្បត់របស់ស្វាមី នាងបានគិតពិចារណាគ្រប់ជ្រុងជ្រោយអស់ហើយនិងសម្រេចចិត្តថាមិនលែងលះដោយសារអាណិតដល់កូនទាំងពីរ ហើយថែមទាំងសុំឲ្យសាធារណជនកុំរិះគន់ឬត្មិះដៀលស្វាមីរបស់នាងទៀតផង៕  

ប្រភព៖: allkpop

• គ្រួសារ
• ស្នេហា
• រូបភាព
• តារាកូរ៉េ