Selena បង្ហាញរូបភាពផ្អែមល្ហែមជាមួយមិត្តប្រុស ខណៈគេសង្ស័យ ថានាងជិតរៀបការហើយ

អាមេរិក៖ ដូចដែលប្រិយមិត្តបានជ្រាបហើយថា តារាចម្រៀងផបអាមេរិកដ៏ល្បីល្បាញគឺ កញ្ញា Selena Gomez កំពុងមានទំនាក់ទំនងស្នេហាដ៏ផ្អែមស្អិតជាមួយនឹងកំលោះផលិតករ Benny Blanco តាំងពីឆ្នាំ២០២៣មកម៉្លេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជារឿយៗ អ្នកទាំងពីរតែងតែចេញមកបង្ហាញរូបភាពស្និទ្ធស្នាលនិងផ្អែមល្ហែមជាច្រើនសន្លឹក ក៏ដូចជាដើរកម្សាន្តជាមួយគ្នា មិនថាទៅទទួលទានអាហារពេលល្ងាច មើលការប្រកួតកីឡា និងទៅសមុទ្រជាដើម។

យ៉ាងណាមិញ ថ្មីៗនេះ គេសង្ស័យថា Selena អាចនឹងភ្ជាប់ពាក្យជាមួយនឹងលោក Benny ហើយក្រោយឃើញនាងបានយករូប Sticker បេះដូងមកបាំងត្រង់ម្រាមដៃនាងខាងឆ្វេងនៅក្នុងរូបភាពថ្មីមួយបង្ហោះលើ Story របស់គណនី Instagram ។ ហើយកាលពីយប់ថ្ងៃទី១៩ខែសីហាកន្លងទៅ នាងក៏បានថត selfie ក្នុងបន្ទប់ទឹកជាមួយលោក Benny ដែលកំពុងជូតមុខផងដែរ។

ដោយឡែក អ្នកគាំទ្រកាន់តែសង្ស័យខ្លាំងឡើងក្រោយពេល Selena Gomez បានចុចតាមដានលើគណនី CMG Weddings & Events នៅលើ Tiktok ដែលជាក្រុមហ៊ុនរៀបចំពិធីអាពាហ៍ពិពាហ៍ប្រណីតទៀតផង រឹតតែធ្វើឲ្យអ្នកគាំទ្រគិតថានាងមានគម្រោងរៀបការជាមួយនឹងមិត្តប្រុសពិតមែន៕  

ប្រភព៖: pagesix

• ស្នេហា
• រូបភាព
• តារាអន្តរជាតិ