TOP ធ្វើឲ្យអ្នកគាំទ្រខឹង ក្រោយធ្វើបែបនេះ នាថ្ងៃគម្រប់ខួប Big Bang

កូរ៉េខាងត្បូង៖ តារាចម្រៀង T.O.P ឬយើងហៅថា TOP ដែលជាអតីតសមាជិកក្រុមចម្រៀងបុរសដ៏ល្បី Big Bang បានបង្ហាញសកម្មភាពមួយ ដែលនាំមកនូវការរិះគន់ជាខ្លាំងពីសំណាក់អ្នកគាំទ្រ នាថ្ងៃគម្រប់ខួប១៨ឆ្នាំរបស់ Big Bang។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចដែលប្រិយមិត្តបានជ្រាបហើយថា ក្រោយមានរឿងអាស្រូវប្រើប្រាស់សារធាតុហាមឃាត់រួចមក T.O.P បានប្រកាសចាកចេញពី Big Bang នាឆ្នាំ២០២៣ ដោយបន្តអាជីពជាតារាចម្រៀងទោល និងតារាសម្ដែងដែលរូបគេគ្រោងនឹងលេចមុខក្នុងរឿង "Squid Game"វគ្គ២ទៀតផង។

យ៉ាងណាមិញ T.O.P មើលទៅហាក់ដូចជាមិនចង់ពាក់ព័ន្ធនឹង Big Bang ទៀតទេព្រោះនាថ្ងៃទី១៩ខែសីហាកន្លងទៅ ជាថ្ងៃ Big Bang ប្រារព្ធខួប១៨ឆ្នាំនោះ ដោយ G-Dragon, Taeyang និង Daesung សុទ្ធតែបានអបអរ។ ដោយឡែក TOP មានសភាពស្ងៀមស្ងាត់ ហើយគេក៏បាន Block មិនឲ្យអ្នកគាំទ្រ Tag រូបគេបាននៅក្នុងរូបភាពរបស់ Big Bang ទៀតផង ដែលធ្វើឲ្យអ្នកគាំទ្ររិះគន់ថាគេហាក់ដូចជាភ្លេចថាខ្លួនឯងមានឈ្មោះល្បីដល់សព្វថ្ងៃដោយសារ Big Bang ៕  

ប្រភព៖: allkpop

• រូបភាព
• តារាកូរ៉េ