មួយគូទៀតហើយ Jennifer Lopez ដាក់ពាក្យ លែ»-ង»-លះ»-ស្វាមីហើយ

បរទេស៖ តារាចម្រៀងវ័យ ៥៥ ឆ្នាំ Jennifer Lopez ត្រូវបានគេរាយការណ៍ថា បានដាក់ពាក្យសុំលែងលះ នៅតុលាការ នៅថ្ងៃទី ២០ ខែសីហា កន្លងទៅនេះ ដោយបញ្ចប់អាពាហ៍ពិពាហ៍រយៈពេល ២ ឆ្នាំរបស់នាង ជាមួយនឹងស្វាមី ដែលជាតារាសម្តែង លោក Ben Affleck ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព Us Weekly បានរាយការណ៍ថា តារាចម្រៀងស្រីរូបនេះ បានដាក់ញត្តិ ទៅតុលាការទីក្រុង Los Angeles នៅថ្ងៃខួបអាពាហ៍ពិពាហ៍ទីពីរ របស់ពួកគេ។

មិនត្រឹមតែប៉ុណ្ណោះ ពាក្យចចាមអារ៉ាមអំពីអាពាហ៍ពិពាហ៍បែកបាក់របស់ Jennifer និងស្វាមី បានផ្សព្វផ្សាយអស់រយៈពេលជាច្រើនខែមកហើយ ខណៈដែល Ben បានជួលផ្ទះដើម្បីរស់នៅដាច់ដោយឡែក ហើយប្ដីប្រពន្ធមួយគូនេះ កម្រនឹងបង្ហាញខ្លួនជាមួយគ្នាណាស់។ 

គួររំឮកផងដែរថា Jennifer Lopez និង Ben Affleck បានរៀបចំពិធីមង្គលការ នៅឯផ្ទះរបស់ Ben ក្នុង Savannah, Georgia កាលពីថ្ងៃទី ២០ ខែសីហា ឆ្នាំ ២០២២ បន្ទាប់ពី រៀបការដោយសម្ងាត់នៅព្រះវិហារមួយ នៅ Las Vegas កាលពីមួយខែមុន៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ