មិនទាន់បាន១ថ្ងៃផង Ronaldo បានប៊ូតុងមាសពី Youtube ខណៈគណនីគេមានអ្នក Subscribe លើស១០លាននាក់

កម្សាន្ត៖ អ្នកស្នេហាវិស័យកីឡាបាល់ទាត់ប្រាកដជាស្គាល់កំពូលខ្សែប្រយុទ្ធ Cristiano Ronaldo ហើយពីព្រោះគេប្រៀបដូចជាកីឡាករដ៏ឆ្នើមនិងល្បីរន្ទឺម្នាក់ក្នុងពិភពបាល់ទាត់ ដែលធ្លាប់ឈ្នះពានរង្វាន់ជាច្រើន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក កាលពីថ្ងៃទី២១ខែសីហាឆ្នាំ២០២៤ កន្លងទៅនេះ Ronaldo បានបង្កើតគណនី Youtube ផ្លូវការរបស់ខ្លួនមានឈ្មោះថា "UR Cristiano" ដែលមកទល់ពេលនេះមានអ្នកចូល Subscribe ជាង ១០.៤លាននាក់ហើយ ដោយបានបង្ហោះ១២វីដេអូ។

ក្នុងនោះវីដេអូមួយដែលគេបានបង្ហោះគឺ Ronaldo បានអង្គុយឲ្យ Georgina Rodriguez ជាអ្នកសម្ភាសន៍ ដែលទទួលបានការចុចចូលមើលដល់ ជិត៧លាន Views ត្រឹមរយ:ពេល១១ម៉ោង ប៉ុណ្ណោះ។

ឥឡូវនេះ Cristiano Ronaldo បានទទួលប៊ូតុងមាសពី Youtube ហើយត្រឹមរយ:ពេលមិនដល់១ថ្ងៃផង សបញ្ជាក់ឲ្យឃើញថារូបគេពិតជាបុគ្គលដ៏មានឥទ្ធិពលក្នុងបណ្ដាញសង្គម៕

ប្រភព៖: forbes

• រូបភាព
• តារាអន្តរជាតិ