បរទេស៖ ថ្មីៗនេះ គូស្វាមីភរិយា ដែលទើបតែដាក់ពាក្យលែងលះ Jennifer Lopez និង Ben Affleck ត្រូវបានគេនិយាយថា មិនបានចុះហត្ថលេខា លើកិច្ចព្រមព្រៀងមុនពេលរៀបអាពាហ៍ពិពាហ៍នោះទេ ដូច្នេះ ពួកគេនឹងត្រូវបែងចែកប្រាក់ ដែលរកបានក្នុងរយៈពេលពីរឆ្នាំមកនេះ។
យោងតាម TMZ បានឲ្យដឹងថា Jennifer Lopez មិនបានបញ្ជាក់នៅក្នុងញត្តិលែងលះរបស់នាង ថាតើនាង និងស្វាមី មានកិច្ចសន្យាមុនរៀបការឬអត់នោះទេ។ ប៉ុន្តែ ប្រភពព័ត៌មាននិយាយថា អ្នកទាំងពីរពិតជាមិនមានកិច្ចសន្យានោះទេ ដូច្នេះប្រាក់ចំណូល ឬប្រាក់ចំណេញ ណាមួយដែលរកបានក្នុងអំឡុងពេលជិតពីរឆ្នាំ នៃការរៀបការរបស់ពួកគេ ត្រូវបានចាត់ទុកថា គឺជា ទ្រព្យសម្បត្តិរួម។
តារាចម្រៀងស្រីវ័យ៥៥ឆ្នាំ Jennifer Lopez បច្ចុប្បន្ន មានទ្រព្យសម្បត្តិប្រមាណ ៤០០លានដុល្លារ ខណៈដែលស្វាមី វ័យ៥២ឆ្នាំ មានប្រហែល ១៥០លានដុល្លារ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
