ខានឃើញយូរ កូនប្រុស Angelina Jolie ត្រូវគេចាប់អារម្មណ៍ លើរឿងមួយនេះ

បរទេស៖ Knox Jolie-Pitt ដែលត្រូវបានគេស្គាល់ថា ជាកូនប្រុសរបស់ តារាសម្ដែងស្រី Angelina Jolie ត្រូវបានទស្សនិកជនមានការចាប់អារម្មណ៍ ក្រោយពីបានបង្ហាញខ្លួន មើលទៅរឹងមាំនិងមានសាច់ដុំ នៅក្នុងសម្លៀកបំពាក់កីឡា នៅពេលទៅកន្លែងហាត់ប្រាណ កាលពីចុងសប្តាហ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Knox បានបង្ហាញខ្លួន ស្លៀកខោខ្លី និងអាវយឺត ដៃរបស់គាត់ត្រូវបានរុំដោយបង់រុំការពារ ហើយកំពុងកាន់ស្រោមដៃប្រដាល់។ មិនត្រឹមតែប៉ុណ្ណោះ កូនប្រុសតារាស្រីរូបនេះ ​មើល​ទៅ​ខ្ពស់និង​ស្គម ប៉ុន្តែ​បង្ហាញ​សាច់ដុំ​យ៉ាងមាំមួន។ រូបរាងរបស់ Knox ត្រូវបានពិពណ៌នាថា មានភាពស្រដៀងនឹងឪពុកម្តាយ គឺតារាសម្តែង Angelina Jolie និងតារាសម្តែង Brad Pitt ។

គួរបញ្ជាក់ផងដែរថា Knox និងប្អូនស្រីភ្លោះរបស់ខ្លួន Vivienne ទើបតែមានអាយុ ១៦ ឆ្នាំកាលពីថ្ងៃទី ១២ ខែកក្កដា ខណៈដែលកូនប្រុសរបស់តារាស្រី Angelina រូបនេះ ហាក់មិនដូចប្អូនស្រីឡើយ ស្របពេលដែលប្អូនស្រីរបស់ខ្លួន តែងតែបង្ហាញមុខនៅមុខកាមេរ៉ា ហើយថ្មីៗនេះបានធ្វើការជាជំនួយការផលិតកម្មសម្រាប់តន្ត្រី Broadway របស់ម្តាយនាង ទៀតផង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ