ហ្វេនៗចាប់អារម្មណ៍ ពេល Ronaldo ស្រាប់តែ ហៅគូស្នេហ៍ បែបនេះ ជាលើកទី២

កម្សាន្ត៖ នៅលើ Channel YouTube ដែលទើបបង្កើតថ្មី របស់កំពូលតារាបាល់ទាត់ លោក Cristiano Ronaldo បានហៅ មិត្តស្រី Georgina ថាជា ប្រពន្ធរបស់ខ្លួន ជាលើកទីពីរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅល្ងាចថ្ងៃទី ២១ ខែសីហា លោក Cristiano Ronaldo បានធ្វើឱ្យមានការរំជើបរំជួល នៅពេលដែលបានបើកដំណើរការ YouTube Channel និងបានទាក់ទាញអ្នក Subcribe រាប់លាននាក់ក្នុងរយៈពេលតិចជាងមួយថ្ងៃ។ មិនត្រឹមតែប៉ុណ្ណោះ កីឡាករវ័យ ៣៩ ឆ្នាំរូបនេះ ក៏បានធ្វើឱ្យមានការរំជើបរំជួលផងដែរ នៅពេលដែល រូបលោកបានណែនាំមិត្តស្រី Georgina ថាជាប្រពន្ធរបស់ខ្លួន ដែលខណៈនេះគឺចង់មានន័យថា រូបលោកបានរៀបការ នៅពេលដែលពួកគេទាំងពីរបានត្រៀមខ្លួនចូលរួមក្នុងហ្គេម Mr and Mrs ។ ហើយអ្នក​ទាំង​ពីរ​ ក៏បាន​ធ្វើឲ្យហ្វេនៗកាន់តែចង់ដឹង​កាន់​តែ​ខ្លាំង ​នៅ​ពេល​ដែល​ ពួក​គេ​ពាក់​ចិញ្ចៀន​នៅ​លើ​ម្រាម​ដៃ ​ក្នុង​វីដេអូ។

កាលពីដើមឆ្នាំនេះដែរ Ronaldo ក៏បានហៅ Georgina ថាជាភរិយា នៅក្នុងវីដេអូផ្សព្វផ្សាយ សម្រាប់ម៉ាកយីហោកីឡាមួយ។ ហើយរូបលោក ក៏បាននិយាយនៅក្នុងវីដេអូថា «នៅពេលដែល ខ្ញុំមិនបានហាត់ជាមួយក្រុមបាល់ទាត់ ខ្ញុំចូលចិត្តហាត់ជាមួយប្រពន្ធរបស់ខ្ញុំនៅផ្ទះ ព្រោះខ្ញុំអាចជំរុញទឹកចិត្តគាត់ ហើយគាត់ក៏អាចលើកទឹកចិត្តខ្ញុំ» ។

យ៉ាងណាមិញ នៅក្នុងផ្នែកបញ្ចេញមតិ អ្នកគាំទ្រជាច្រើនបានសួរ ថាតើការដែល Georgina ត្រូវបានហៅថាជាប្រពន្ធរបស់កីឡាកររូបនេះ មានន័យថាអាចទេដែលអ្នកទាំងពីរ បានរៀបការដោយសម្ងាត់។ តែទោះបីជាយ៉ាងណាក៏ដោយ អ្នកនាំពាក្យរបស់ Ronaldo បានប្រាប់ ព័ត៌មានPeople ថា ពួកគេមិនអាចបញ្ជាក់បានទេ ថារៀបការឬអត់នោះដោយបាននិយាយថា «នៅពេលនេះ ខ្ញុំមិនអាចបញ្ជាក់ ឬបដិសេធថា Cristiano បានរៀបការជាមួយ Georgina ដែរទេ។ ខ្ញុំមិនដឹងទេ»៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ