អតីតស្វាមី Miranda Kerr ស្រាប់តែ បង្ហាញរូបភាពកូនប្រុស ធ្វើឲ្យហ្វេនៗ ចាប់អារម្មណ៍គ្រប់គ្នា

បរទេស​៖ តារា​សម្ដែង លោក Orlando Bloom បាន​បង្ហោះ​រូបថត ​ជាមួយ​កូន​ប្រុស​ វ័យ ១៣ ឆ្នាំ​របស់ខ្លួន ​ចូលរួម​កម្មវិធី​បង្ហាញ​រថយន្ត​មួយ ​ក្នុង​សប្តាហ៍​នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ នៅលើ Instagram តារាសម្ដែង លោក Orlando Bloom បានចែករំលែក ពីពេលវេលាដ៏មានក្ដីសុខ ជាមួយកូនប្រុសរបស់ខ្លួន នៅឯ Monterey Car Week ។ តារា​ប្រុស​វ័យ ៤៧ ឆ្នាំ​រូប​នេះ ​បាន​កាន់​ដៃ​ក្មេង​ជំទង់​រូបនេះ ដើម្បី​ស្វែង​រក​រថយន្ត​ស៊េរី​ថ្មី​ជា​ច្រើន។ នៅក្នុងរូបថតមួយសន្លឹក ឪពុកនិងកូនទាំងពីររូបនេះ បានសម្លឹងមើលទៅរថយន្តស្ព័រ Porsche ដ៏ប្រណីត។

តារាសម្ដែង លោក Orlando Bloom កម្របង្ហោះរូបថតកូនរបស់ខ្លួនណាស់ ខណៈដែលរូបលោក និងអតីតភរិយា ដែលជាតារាម៉ូដែល Miranda Kerr បានព្យាយាមរក្សាកូនប្រុសរបស់ពួកគេ មិនឱ្យមានការចាប់អារម្មណ៍ពីប្រព័ន្ធផ្សព្វផ្សាយ។ គួររំឮកផងដែរថា Flynn កើតក្នុងឆ្នាំ ២០១១ ដែលជាកូនតែមួយគត់របស់ Orlando និង Miranda។ក្រោយ​ពី ​អ្នក​ទាំង​ពីរ​បាន​លែងលះ​គ្នា​ក្នុង​ឆ្នាំ ២០១៣ ពួក​គេ​បាន​រក្សា​ភាព​ស្និទ្ធស្នាល​ និង​ការ​ចិញ្ចឹម​កូនរបស់ពួកគេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ