ស្លៀករ៉ូបខ្មៅកខ្វែងអ៊ីចឹងទៅ Jennie ស្អាតទាក់ទាញបែបនារីអភិជន

កូរ៉េខាងត្បូង៖ ថ្វីត្បិត Jennie បានចាកចេញពីផលិតកម្ម YG មកបើកផលិតកម្មខ្លួនឯងមានឈ្មោះថា "ODD ATELIER" ក្ដីក៏ប្រជាប្រិយភាពរបស់សមាជិក BLACKPINK រូបនេះនៅតែបន្តសុះសាយ និងមានអ្នកគាំទ្រជាច្រើនតែងតែចង់ដឹងពីជីវិតរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ រូបភាពផ្សព្វផ្សាយពាណិជ្ជកម្មថ្មីរបស់ Jennie ត្រូវបានបង្ហោះពេញបណ្ដាញសង្គម ដោយនៅក្នុងរូបនេះ នាងបានថតឲ្យម៉ាកយីហោ HERA ដែលនាងជាអ្នកតំណាងសាកល។

នៅក្នុងនោះ Jennie លេងស្ទាយ៍ជាសុភាពនារីដ៏សែនស្រស់ស្អាត ថ្លៃថ្នូរនិងអភិជន ដោយបានស្លៀករ៉ូបពណ៌ខ្មៅសម្រុងខ្លីត្រឹមពាក់កណ្ដាលភ្លៅ ជាម៉ូតកខ្វែង វាលស្មា បញ្ចេញពោះរបស់នាងបន្តិច ជាមួយនឹងការផាត់មុខបែបស្រាលៗ ហើយអ្វីដែលលេចធ្លោនោះគឺសក់ពណ៌រាងសូកូឡារបស់នាងនោះទម្លាក់រំសាយពេញខ្នង ធ្វើឲ្យមើលទៅពិតជាស្រស់ស្អាតបែបអភិជនពិតៗ៕  

ប្រភព៖: allkpop

• រូបភាព
• តារាកូរ៉េ