Lisa តែងខ្លួនឡើង Cute ចេញមកបណ្ដើរ Rosalia នៅ LA

អាមេរិក៖ ជីវិតរបស់ Lisa ក្រោយពេលចាកចេញពីផលិតកម្ម YG គឺមើលទៅមានសេរីភាពជាងមុន ដោយជារឿយៗគេតែងតែឃើញនាងទៅដើរលេងនិងស្នាក់នៅ បណ្ដាប្រទេសដូចជាបារាំង ឬនៅអាមេរិកជាដើម ដោយថ្មីៗនេះ នាងទើបតែបានបង្ហើបថាបានទិញផ្ទះថ្មីនៅទីក្រុង Los Angeles រដ្ឋកាលីហ្វ័រញ៉ាផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ Lisa ក៏ទើបតែចេញបទចម្រៀងថ្មីចុងក្រោយមានឈ្មោះថា "New Woman"ច្រៀងរួមគ្នាជាមួយតារាចម្រៀងឡាទីន Rosalia ផងដែរ ដែលបានទទួលសន្ទុះនៃការគាំទ្រខ្លាំង។ យ៉ាងណាមិញទំនាក់ទំនងរវាង Lisa និង Rosalia នៅខាងក្រៅឆាកក៏ដូចជាមិត្តភក្តិជិតស្និទ្ធម្នាក់ដែរដោយថ្មីៗនេះ គេប្រទះឃើញតារាស្រីជនជាតិថៃរូបនេះបានចេញមកបណ្ដើរ Rosalia នៅតាមដងផ្លូវ ដោយបានជជែកគ្នាសើច ក៏ដូចជាញ៉ាំការ៉េមផងដែរ។

រូបថតដែលអ្នកប្រមាញ់រូបថតបានថតបាននោះគឺ Lisa ពិតជាមើលទៅស្រស់ស្អាតនិងលេងស្ទាយ៍បែបនារីគួរឲ្យស្រលាញ់ ដោយពាក់អាវដៃវែងពណ៌ផ្ទៃមេឃបិទឡេវធម្មតាតែបញ្ចេញពោះរាបស្មើនិងសំពត់ខោប៊យខ្លីពាក់កណ្ដាលភ្លៅ ជាមួយនឹងស្រោមជើងពណ៌សវែងដល់ស្មងជើងនិងស្បែកជើងប៉ាតា ពិតជាមើលទៅស្រស់ស្អាតខ្លាំងមែនទែន៕

ប្រភព៖: koreaboo

• រូបភាព
• តារាថៃ
• តារាកូរ៉េ