ដោយសារចរិតស្វាមីបែបនេះ ទើប Jennifer Lopez ទ្រាំមិនបាន សុំលែងលះតែម្ដង

អាមេរិក៖ តារាចម្រៀងស្រី Jennifer Lopez បានដាក់ពាក្យបណ្ដឹងលែងលះស្វាមី Ben Affleck ជាផ្លូវការហើយបន្ទាប់ពីទំនាក់ទំនងអ្នកទាំងពីរមានភាពរកាំរកូសខ្លាំងនាប៉ុន្មានខែមកនេះ ដោយក្នុងនោះផ្ទះរបស់ពួកគេក៏ត្រូវបានដាក់លក់ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Jennifer បានរៀបការជាមួយ Ben Affleck ដែលធ្លាប់ជាគូដណ្ដឹងរបស់នាងតាំងពីឆ្នាំ២០២២ និងមើលទៅមានជីវិតគ្រួសារដ៏មានសុភមង្គលតែ ពេលនេះ គ្រប់យ៉ាងជិតនឹងឈានមកដល់ទីបញ្ចប់ហើយ នៅរង់ចាំតែតុលាការសម្រេចឲ្យលែងលះប៉ុណ្ណោះ។

យ៉ាងណាមិញ យោងតាមគេហទំព័រ Page Six បានចុះផ្សាយថាមូលហេតុចម្បងមួយដែល Jennifer Lopez សម្រេចចិត្តលែងលះគឺដោយសារទ្រាំនឹងចរិតស្វាមីដែលឆាប់ឆេវឆាវ និងអារម្មណ៍ឡើងចុះខ្លាំងពុំបាន ដោយនៅសុខៗ Ben ប្ដូរពីសប្បាយចិត្តមកជាមួម៉ៅឬក្រញូវយ៉ាងលឿន ហើយគេក៏ជាមនុស្សមានភាពផ្ទាល់ខ្លួនខ្ពស់ មិនសូវចូលចិត្តបង្ហាញ ខុសពី Jennifer Lopez ដែលចូលចិត្តការចាប់អារម្មណ៍៕

ប្រភព៖: pagesix

• គ្រួសារ
• ស្នេហា
• រូបភាព
• តារាអន្តរជាតិ