បរទេស៖ តារាចម្រៀងស្រី Jennifer Lopez ត្រូវបានគេនិយាយថា មានអារម្មណ៍ធូរស្រាល នៅពេលដែល នាងសម្រេចចិត្តដាក់ពាក្យលែងលះស្វាមី លោក Ben Affleck ។
ក្នុងនោះដែរ យោងតាមប្រភពមួយ បានចែករំលែកជាមួយ សារព័ត៌មានPeople ថា «វាពិតជាលំបាកសម្រាប់នាង នៅពេលដែល Ben ចង់បញ្ចប់អាពាហ៍ពិពាហ៍ និងបន្តជីវិតរបស់ខ្លួន ដោយទុកនាងចោល» «Jennifer មិនចង់លែងលះទេ នាងចង់ដោះស្រាយគ្រប់យ៉ាង។ ពួកគេស្រលាញ់គ្នា ហើយ នាងមិនមែនជា អ្នកដែលបោះបង់ចោលដោយងាយៗនោះទេ។ ដូច្នេះការរង់ចាំ គឺស្ទើរតែធ្វើទារុណកម្មសម្រាប់នាង»។
មិនត្រឹមតែប៉ុណ្ណោះ តាមរយៈប្រភពជិតស្និទ្ធ បានលាតត្រដាងថា តារាចម្រៀងស្រីរូបនេះ ហាក់បានធូរស្រាល ចាប់តាំងពីបានប្តឹងសុំលែងលះនៅតុលាការ កាលពីថ្ងៃទី ២០ ខែសីហាកន្លងទៅ។ ខណៈដែល ក្រុមគ្រួសារ និងមិត្តភ័ក្តិរបស់នាង ទាំងអស់យល់ស្របថា វាជាការសម្រេចចិត្តត្រឹមត្រូវ ដោយនាងទទួលបានសេចក្តីស្រឡាញ់ និងការគាំទ្រជាច្រើន ហើយគ្រប់គ្នាជឿថា នាងនឹងមិនអីទេ ព្រោះនាងរឹងមាំ ហើយតែងតែយកឈ្នះលើអ្វីៗគ្រប់យ៉ាង៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
