អាយុ៤០ហើយ Park Bom បង្ហាញមុខមិនលាបគ្រឿងសម្អាង ហ្វេននាំគ្នាចំហមាត់សរសើរ

កូរ៉េខាងត្បូង៖ ផលិតកម្ម YG បានប្រកាសហើយថាក្រុមចម្រៀង 2NE1 នឹងមានការប្រគុំតន្ត្រីទេសចរណ៍ពិភពលោក នាចុងឆ្នាំ២០២៣នេះនិងបន្តដល់ឆ្នាំ២០២៤ ដែលមកទល់ពេលនេះសំបុត្រការប្រគុំតន្ត្រីនៅទីក្រុងសេអ៊ូល បានលក់ដាច់អស់គ្មានសល់ ស្របពេលសមាជិក 2NE1ទាំងអស់ក៏បានមកជុំគ្នាហាត់សមផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក នាថ្ងៃទី២៧ខែសីហាកន្លងទៅនេះ Park Bom ដែលជាអ្នកចម្រៀងឈានមុខនៅក្នុងក្រុមបានបង្ហោះរូបថតផ្ទៃមុខគ្មានគ្រឿងសម្អាងរបស់នាងឲ្យអ្នកគាំទ្របានឃើញ ដែលនៅក្នុងនោះ គេឃើញថាសាច់មុខរបស់នាងសម៉ដ្ឋខៃ ជាមួយនឹងបបូរមាត់ពណ៌ផ្កាឈូក។

បន្ទាប់ពីបានឃើញរូបនេះហើយ អ្នកគាំទ្របាននាំគ្នាចូលទៅបញ្ចេញមតិកោតសរសើរថា Park Bom ពិតជាស្រស់ស្អាតខ្លាំង និងពូកែថែទាំសម្រស់ទោះពេលនេះនាងមានអាយុចូលដល់៤០ឆ្នាំហើយក្ដី៕  

ប្រភព៖: allkpop

• រូបភាព
• តារាកូរ៉េ