បរទេស៖ នេះជាលើកដំបូងហើយ ក្រោយពី ១០ ថ្ងៃបន្ទាប់ពី ការដាក់ពាក្យសុំលែងលះពី Ben Affleck តារាចម្រៀងស្រី Jennifer Lopez បានបង្ហាញខ្លួនក្នុងស្ទាយ៍ដ៏គួរឲ្យចាប់អារម្មណ៍ បញ្ចេញសម្រស់ស្អាតក្មេងជាងវ័យ។
យោងតាមគេហទំព័រ Dailymail បានឱ្យដឹងថា តារាចម្រៀងវ័យ ៥៥ ឆ្នាំរូបនេះ ត្រូវបានគេឃើញចូលរួមក្នុងព្រឹត្តិការណ៍មួយនៅ Beverly Hills កាលពីថ្ងៃទី ៣១ ខែសីហា ដោយរូបនាង ត្រូវបានគេចាប់អារម្មណ៍យ៉ាងខ្លាំង ជាមួយនឹងការតុបតែងខ្លួន ពាក់អាវបែបស៊ិ..ចស៊ី បង្ហាញពីដើមទ្រូង រួមជាមួយនឹងខោខូវប៊យចង្កេះខ្ពស់ ដៃកាន់កាបូប ព្រមទាំងពាក់គ្រឿងអលង្កា ផងដែរ។
យ៉ាងណាមិញ ចាប់តាំងពីបានដាក់ពាក្យសុំលែងលះ នៅតុលាការកាលពីថ្ងៃទី ២០ ខែសីហា Jennifer Lopez មិនបានបង្ហាញមុខជាសាធារណៈ និងរក្សាភាពស្ងៀមស្ងាត់នៅលើបណ្តាញសង្គម។ តែនៅថ្ងៃទី ៣១ ខែសីហា តារាចម្រៀងស្រីរូបនេះ ក៏បានបង្ហោះជាលើកដំបូងនៅលើ Instagram ដោយបានបង្ហាញខ្លួនយ៉ាងស្រស់ស្អាត ក្នុងវីដេអូផ្សព្វផ្សាយម៉ាកភេសជ្ជៈរបស់នាង។ ហើយប៉ុន្មានម៉ោងក្រោយមក នាងបានបង្ហោះរូបថតជាច្រើនសន្លឹក ដែលបង្ហាញពីពេលវេលាដ៏រីករាយ ជាមួយគ្រួសារក្នុងរដូវក្តៅ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
