កម្សាន្ត៖ តារាសម្ដែង Han So Hee បានធ្វើឲ្យហ្វេនៗផ្ទុះការចាប់អារម្មណ៍ ក្រោយពីបានបង្ហាញសម្រស់ដ៏ទាក់ទាញ ក្នុងឈុតហែលទឹក ពេលធ្វើដំណើរទៅទីក្រុងបាងកក ប្រទេសថៃ។
យោងតាម Nate កាលពីថ្ងៃទី ៣១ ខែសីហាកន្លងទៅនេះ តារាសម្ដែង Han So Hee បានបង្ហោះរូបថត ពីការធ្វើដំណើររបស់នាង នៅលើទំព័រផ្ទាល់ខ្លួន។ នៅក្នុងនោះដែរ តារាស្រីរូបនេះ បានបង្ហាញខ្លួន ដោយបានស្លៀកឈុតហែលទឹកពណ៌ខ្មៅ បង្ហាញស្នាមសាក់ថ្មីជាច្រើននៅត្រគាក ភ្លៅ ចង្កេះ ព្រមទាំងរូបរាងដ៏លេចធ្លោរបស់នាង ទៀតផង។
តារាកូរ៉េរូបនេះ បានចេញដំណើរទៅប្រទេសថៃ តាមអាកាសយានដ្ឋានអន្តរជាតិក្រុងសេអ៊ូល នៅថ្ងៃទី ២៩ ខែសីហា ដើម្បីចូលរួមព្រឹត្តិការណ៍ម៉ាកយីហោមួយ ក្នុងនោះដែរ រូបនាងទទួលបានការសរសើរជាច្រើនពីអ្នកគាំទ្រ នៅពេលដែលនាងបង្ហាញខ្លួនក្នុងព្រឹត្តិការណ៍ នៅថ្ងៃទី៣០ ជាមួយនឹងសម្រស់ដ៏លេចធ្លោ និងស្បែកសរលោងរបស់នាង ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
