អតីតស្វាមី Angelina Jolie និងគូស្នេហ៍ ចូលរួមកម្មវិធីជាមួយគ្នា ឡើងផ្អែមល្ហែម

បរទេស៖ តារាសម្ដែង Brad Pitt និងគូស្នេហ៍វ័យ ២៧ ឆ្នាំ Ines de Ramon បានចូលរួមមហោស្រពភាពយន្តទីក្រុង Venice ដែលនេះជាលើកទីមួយ ដែលអ្នកទាំងពីរបានថតរូបជាមួយគ្នានៅលើកម្រាលព្រំក្រហម បន្ទាប់ពីទំនាក់ទំនងស្នេហាអស់រយៈពេល ២ ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាសម្ដែង លោក Brad Pitt បាននាំ Ines ទៅកម្មវិធីបញ្ចាំងភាពយន្តរបស់ខ្លួន "Wolfs" នៅមហោស្រពភាពយន្ត Venice នៅល្ងាចថ្ងៃទី ១ ខែកញ្ញា។ 

មិនត្រឹមតែប៉ុណ្ណោះ តារាសម្តែងវ័យ ៦០ ឆ្នាំរូបនេះ មើលទៅមានរស្មី និងមានភាពសប្បាយរីករាយ ខណៈដែល រូបលោកបានកាន់ដៃមិត្តស្រីរបស់ខ្លួន ហើយចូលទៅក្នុងព្រឹត្តិការណ៍នោះ។ ជាពិសេស Brad បានបង្ហាញខ្លួន ពាក់ឈុតពណ៌ខ្មៅដ៏ឆើតឆាយ ខណៈដែលមិត្ត​ស្រី​របស់​ខ្លួន បានបង្ហាញភាព​ស្រស់​ស្អាត​ក្នុង​រ៉ូប​ពណ៌​ស​វាលស្មា ផងដែរ។

យ៉ាងណាមិញ កាលកន្លងមក Brad Pitt បាននាំមិត្តស្រីទៅចូលរួមកម្មវិធីមួយចំនួន ប៉ុន្តែមិនបានឡើងលើកម្រាលព្រំក្រហមជាមួយគ្នា ឬបង្ហាញមុខជាសាធារណៈ នៅចំពោះមុខទស្សនិកជនឡើយ។ ហើយ នេះជាលើកទីមួយហើយដែល Brad បានណែនាំ Ines ទៅកាន់សាធារណៈជន ប្រកបដោយក្ដីសុខ ហើយទស្សនិកជន ក៏បានស្វាគមន៍យ៉ាងកក់ក្តៅចំពោះ Brad Pitt និងគូស្នេហ៍របស់ខ្លួន៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ