ចូលរួមខនសឺតរបស់ Stray Kids Lisa ស្លៀកពាក់សាមញ្ញទេ តែស្អាតឆ្វាច​​​ខ្លាំង

កូរ៉េខាងត្បូង៖ Lisa ដែលជាសមាជិកក្រុមចម្រៀងនារី BLACKPINK គឺជាតារាដ៏មានឥទ្ធិពលម្នាក់ក្នុងវិស័យតន្ត្រី ដែលទោះនាងបានចាកចេញពីផលិតកម្ម YG ក្ដីក៏ប្រជាប្រិយភាពរបស់នាងនៅតែកើនឡើងយ៉ាងគំហុក។ បន្ទាប់ពីបញ្ចេញបទចម្រៀងថ្មីពីរបទគឺ "ROCKSTAR" និង "New Woman" រួចមក Lisa ហាក់មានពេលវេលាទំនេរជាងមុនដោយថ្មីៗនេះ នាងត្រូវបានគេប្រទះឃើញថានៅប្រទេសកូរ៉េខាងត្បូង និងថែមទាំងបានចូលរួមទស្សនាការប្រគុំតន្ត្រីរបស់ក្រុមចម្រៀងបុរស Stray Kids ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ Lisa បានបង្ហោះរូបភាពនិងវីដេអូជាច្រើនពីការប្រគុំតន្ត្រីនេះ ជាពិសេសគឺសមាជិកដែលនាងស្និទ្ធជាងគេគឺ Bang Chan និង Felix ដែលជាទូតសុឆន្ទៈរបស់ Louis Vuitton ដូចនាងដែរ។ ហើយបន្ទាប់ពីការប្រគុំតន្ត្រីចប់ Lisa បានចុះទៅថតរូបជាមួយសមាជិក Stray Kids ទាំងអស់ទៀតផង។

គេឃើញថា នាងស្លៀកពាក់សាមញ្ញណាស់គឺខោខោប៊យ និងអាវដៃវែងរឹបពណ៌សជាមួយនឹងមួកកាតឹបពណ៌ខ្មៅ តែយ៉ាងណាក៏សម្រស់របស់នាងនៅតែលេចធ្លោខ្លាំង រហូតអ្នកគាំទ្រសរសើរថានាងតុបតែងបែបណាក៏ស្អាតដែរ៕

ប្រភព៖: allkpop

• រូបភាព
• តារាថៃ
• តារាកូរ៉េ