ហ្វេននាំគ្នាភ្ញាក់ផ្អើល ក្រោយឃើញសម្រស់ G-Dragon បច្ចុប្បន្ន

កូរ៉េខាងត្បូង៖ ក្រោយលាងខ្លួនចេញពីរឿងអាស្រូវប្រើប្រាស់គ្រឿងញៀននិងសារធាតុហាមឃាត់ និងបានបញ្ជាក់ពីភាពស្អាតស្អំរបស់ខ្លួនរួចមក G-Dragon បានវិលចូលវិស័យសិល្បៈកូរ៉េដោយបានចាកចេញពីផលិតកម្ម YG មកចូលរួមជាមួយផលិតកម្ម Galaxy ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះនាថ្ងៃទី២ខែកញ្ញា G-Dragon បានលេចមុខនៅក្នុងកម្មវិធីពិព័រណ៍សិល្បៈមួយធ្វើឡើងនាសារមន្ទីរ Leeum Museum of Art ដោយបានចូលរួមបើកសម្ពោធគម្រោង "Aerocene Seoul" ក្នុងនាមជាអ្នកតំណាងរបស់ Chanel។

យ៉ាងណាមិញ ការបង្ហាញខ្លួនរបស់តារាចម្រៀងរ៉េបរូបនេះបានទាក់ទាញចំណាប់អារម្មណ៍អ្នកគាំទ្រជាខ្លាំងដោយសារតែ G-Dragon មើលទៅមានសម្រស់កាន់តែសង្ហា ដោយធ្វើម៉ូតសក់សេះបែកប្លែកថ្មីជាមួយផ្ទៃមុខដ៏រលោង ទើបអ្នកគាំទ្របានបញ្ចេញមតិថា G-Dragon ហាក់មើលទៅមានសុខភាពល្អនិងសប្បាយចិត្តជាងមុន៕  

ប្រភព៖: koreaboo

• រូបភាព
• តារាកូរ៉េ