បរទេស៖ Pax ដែលត្រូវបានគេស្គាល់ថា ជាកូនចិញ្ចឹមរបស់តារាសម្ដែងស្រី Angelina Jolie បានបង្ហាញខ្លួន ជាលើកដំបូង នៅលើដងផ្លូវ បន្ទាប់ពីជួបឧបទ្ទវហេតុគ្រោះថ្នាក់ចរាចរណ៍ កាលពីចុងខែកក្កដា។
ក្នុងនោះដែរ Pax ត្រូវបានគេមើលឃើញថា កំពុងញ៉ាំអាហារថ្ងៃត្រង់ជាមួយម្តាយរបស់ខ្លួន Angelina Jolie នៅ Beverly Hills, Los Angeles កាលពីថ្ងៃទី ៤ ខែកញ្ញា ដែលជាការបង្ហាញខ្លួនជាលើកដំបូងរបស់លោក បន្ទាប់ពីបានចូលមន្ទីរពេទ្យអស់រយៈពេលជាងមួយខែ ដោយសារគ្រោះថ្នាក់ចរាចរណ៍។ យោងតាមគេហទំព័រ Dailymail បានឲ្យដឹងថា Pax បានពាក់ការពារនៅដៃម្ខាង ប៉ុន្តែមើលទៅមានសុខភាពល្អ ព្រមទាំងបានពាក់មួក ផងដែរ។
កាលពីមុននេះ Pax ត្រូវទទួលការព្យាបាលនៅក្នុងបន្ទប់ថែទាំធ្ងន់ធ្ងរ ហើយបានចំណាយពេលជាច្រើនថ្ងៃបន្ទាប់នៅក្នុងមន្ទីរពេទ្យ ដើម្បីជាសះស្បើយពីរបួស។ Angelina Jolie ដែលជាម្ដាយ ក៏បាននៅមើលថែកូនប្រុសរបស់នាង និងតែងតែបារម្ភពីស្ថានភាពកូនជាខ្លាំង ៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
