Katy Perry និង គូស្នេហ៍ បង្ហាញភាពផ្អែមល្ហែម ពេលចូលរួមកម្មវិធីជាមួយគ្នា

បរទេស៖ តារា​សម្ដែង Orlando Bloom និង​គូ​ដណ្ដឹង​របស់​ខ្លួន ដែលជាតារាចម្រៀងស្រី Katy Perry បានបង្ហាញ​គ្រា​រ៉ូមែនទិក​ នៅ​ក្នុង​ការ​ចាក់​បញ្ចាំង​ដំបូង​នៃ​រឿង «The Cut» នៅ​មហោស្រព​ភាពយន្ត Toronto កាល​ពី​ថ្ងៃ​ទី ៥ ខែ​កញ្ញាកន្លងទៅនេះ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងការចូលរួមកម្មវិធីមួយនេះ តារាចម្រៀងស្រី Katy Perry បានបង្ហាញស្នាមញញឹមយ៉ាងភ្លឺស្វាង នៅពេលដែល លោក Orlando Bloom ថើ.បថ្ពាល់របស់នាង នៅមុខកាមេរ៉ា។ តារា​ចម្រៀង​ស្រី​វ័យ ​៣៩​ឆ្នាំ​រូបនេះ ក៏បានបង្ហាញខ្លួន ​ស្លៀក​រ៉ូប​ពណ៌​ខ្មៅ​យ៉ាងទាន់សម័យ ​ដើម្បី​គាំទ្រ​ការ​ចេញ​ភាពយន្ត​ថ្មី​របស់​គូស្នេហ៍។ 

មិនត្រឹមតែប៉ុណ្ណោះ គូស្នេហ៍មួយគូនេះ បានចូលរួមក្នុងព្រឹត្តិការណ៍នេះត្រឹមតែពីរថ្ងៃបន្ទាប់ពី Katy Perry បានចែករំលែកដោយបើកចំហ អំពីរឿងរ៉ាវស្នេហារបស់នាង នៅលើផតឃែស្ថ Call Her Daddy និងបាននិយាយអំពីដំណើរស្នេហារបស់ខ្លួន និង Orlando តាំងពីឆ្នាំ ២០១៦ មក ពីរបៀបដែលពួកគេ ជំនះព្យុះភ្លៀង និងរក្សាទំនាក់ទំនងរបស់ពួកគេឱ្យកាន់តែរឹងមាំ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ