រូបភាពថ្មី Taylor Swift និងគូស្នេហ៍ កាន់តែបង្ហាញភាពផ្អែមល្ហែម បែបនេះ

បរទេស៖ តារា​ចម្រៀង Taylor Swift និងគូស្នេហ៍ ដែលត្រូវបានគេស្គាល់ថា ជា​កីឡាករ​បាល់ឱប លោក Travis Kelce បាន​បង្ហាញភាពផ្អែមល្ហែម ខណៈ​ពេល​មើល​ការ​ ប្រកួត​វាយ​កូន​បាល់​បុរស ​វគ្គ​ផ្ដាច់ព្រ័ត្រ US Open កាល​ពី​ថ្ងៃ​ទី ៨ ខែ​កញ្ញា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គូស្នេហ៍តារា​អាមេរិក​មួយ​គូ​នេះ បាន​ទាក់ទាញ​ការ​ចាប់​អារម្មណ៍​ នៅពេល​ពួកគេ​ មក​ទស្សនា​វគ្គ​ផ្តាច់ព្រ័ត្រ US Open នៅ​កីឡដ្ឋាន Arthur Ashe ក្នុង​ទីក្រុង​ញូវយ៉ក។ ក្នុងនោះដែរ តារាចម្រៀងស្រី Taylor បង្ហាញខ្លួន​ក្នុង​ឈុតសម្លៀក​បំពាក់​ពណ៌​ក្រហម និង​ស ខណៈដែលគូស្នេហ៍ លោក Travis Kelce ពាក់​ឈុត​ពណ៌​ស ផងដែរ។

ជាពិសេស ខណៈពេលកំពុង​ឈរមើល កីឡាករ​វ័យ​៣៤​ឆ្នាំ ​បាន​ឱប​​មិត្ត​ស្រី និងបានបង្ហាញកាយវិការស្និទ្ធស្នាលជាច្រើន ដោយមិនខ្លាចពេលរ៉ូមែនទិកមួយនេះ ជាប់ក្នុងកញ្ចក់កាមេរ៉ានោះឡើយ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ