លេងស្ទាយ៍សាមញ្ញមែនតែ Jisoo ស្អាតបែបនារីអភិជន

អាមេរិក៖ ទោះបីចាកចេញពីផលិតកម្ម YG ហើយក្ដីតែ Jisoo ដែលជាសមាជិកក្រុមចម្រៀងនារី BLACKPINK នៅតែបន្តទទួលបានការគាំទ្រ និងអ្នកគាំទ្រក៏តែងតែចាប់អារម្មណ៍លើសកម្មភាពរបស់នាង មិនថានៅលើឆាកឬក្រោយឆាកនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ កាលពីថ្ងៃទី៩ខែកញ្ញាកន្លងទៅ Jisoo បានបង្ហាញវត្តមានចូលរួមក្នុងកម្មវិធីបង្ហាញម៉ូតប្រចាំសប្តាហ៍ 2025 New York Fashion Week S/S Show របស់ម៉ាកយីហោ Tommy Hilfiger ដែលប្រព្រឹត្តិឡើងនៅទីក្រុងញ៉ូវយ៉ក សហរដ្ឋអាមេរិក។

ក្នុងនោះគេឃើញថានាងពិតជាតែងខ្លួនបានស្រស់ស្អាតខ្លាំងណាស់ជាមួយនឹង អាវក្រៅស្បែកពណ៌សលាយទឹកប៊ិចនិងលាយក្រហម មានអាវពណ៌​​សខាងក្នុង សំពត់ខ្លីពណ៌ខ្មៅ និងមួកចាក់រឹបក្បាលពណ៌ទឹកប៊ិចទៀតផង។ ចំណែកឯផ្ទៃមុខវិញគឺនាងផាត់បែបស្លេកៗតែនៅតែគួរឲ្យស្រលាញ់ជាមួយនឹងស្ទាយ៍សក់ត្រង់ភ្លឹងទម្លាក់មកខាងមុខ ពិតជាមើលទៅស្រស់ស្អាត ដូចនារីអភិជន៕

ប្រភព៖: allkpop

• រូបភាព
• តារាកូរ៉េ