កម្សាន្ត៖ តារាចម្រៀង Taylor Swift បានទាក់ទាញការចាប់អារម្មណ៍ ជាមួយនឹងការស្លៀកសម្លៀកបំពាក់ដ៏លេចធ្លោ ហើយបានទៅញ៉ាំអាហារពេលល្ងាចជាមួយមិត្តភ័ក្តិ Gigi Hadid នៅភោជនីយដ្ឋានមួយ ក្នុងទីក្រុង New York កាលពីថ្ងៃទី ២១ ខែកញ្ញា។
តារាចម្រៀងស្រី Taylor Swift បានតុបតែងខ្លួន ដោយបានស្លៀកសំពត់ខ្លី និងអាវយឺតដៃវែងពណ៌ខ្មៅ។ តារាចម្រៀងរូបនេះ ក៏បានបន្ថែមជាមួយនឹងស្បែកជើងកែង ព្រមទាំងខ្សែក ខណៈដែល Gigi Hadid ស្លៀកសំលៀកបំពាក់គួរឱ្យចាប់អារម្មណ៍ស្មើគ្នា ដែលរួមមានអាវវែងពណ៌ត្នោត អាវយឺតពណ៌ស និងខោពណ៌ពណ៌ត្នោតខ្ចី។
មុនពេលជួបជុំអាហារពេលល្ងាចនៅភោជនីយដ្ឋានលំដាប់ខ្ពស់ តារាស្រីទាំងពីរ ត្រូវបានគេឃើញជាលើកចុងក្រោយ នៅគេហដ្ឋានរបស់តារាចម្រៀងស្រី Taylor Swift ក្នុងទីក្រុង Rhode Island កាលពីចុងខែសីហា ហើយនៅពេលនោះ Taylor Swift បានធ្វើពិធីជប់លៀងដែលមានការចូលរួមដោយមិត្តប្រុសរបស់នាង Travis Kelce និងមិត្តភ័ក្តិតារាជាច្រើនទៀត៕
ប្រភព៖ Ngoisoa.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
