Jennie ទម្លាក់រូបភាពពញ្ញាក់អ្នកគាំទ្រ សង្ស័យត្រៀមចេញចម្រៀងថ្មី

កូរ៉េខាងត្បូង៖ បន្ទាប់ពីចាកចេញពីផលិតកម្ម YG និងបង្កើតផលិតកម្មខ្លួនឯងមានឈ្មោះថា ODD ATELIER មក Jennie នៅតែទទួលបានការគាំទ្រខ្លាំងពីសំណាក់ទស្សនិកជន ហើយអ្នកគាំទ្រក៏បានទទូចសុំឲ្យនាងចេញបទចម្រៀងថ្មីផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ នាងហាក់ដូចជាមានសកម្មភាពជាងមុន ដោយបានចេញមកពញ្ញាក់អារម្មណ៍អ្នកគាំទ្រជាមួយនឹងរូបភាពរូបផ្គុំមួយ ដែលពេលផ្គុំទៅ គឺចេញរូបភាព Jennie ដើរចេញពីទូរទូរស័ព្អ ហើយនៅលើកម្រាលព្រំមានលេខ 1011ដែលគេសង្ស័យថា បទចម្រៀងថ្មីអាចនឹងចេញនាថ្ងៃទី១១ ខែតុលាខាងមុខនេះ។

យ៉ាងណាមិញ ថ្មីៗនេះ Jennie ក៏បានបង្ហោះវីដេអូមួយដែលនាងបានយកក្រដាសសរសេរថា "Calling all Pretty Girls" មកបិទនៅលើជញ្ជាំងហើយដើរចេញទៅ ជាតម្រុយមួយថានេះអាចជាចំណងជើងបទចម្រៀងថ្មីរបស់នាង៕

ប្រភព៖: allkpop

• រូបភាព
• តារាកូរ៉េ