រៀបការទើបបាន២ឆ្នាំ Jiyeon ក្រុម T-ara ប្រកាសដាក់ពាក្យបណ្ដឹ»-ងលែ»-ងលះស្វាមី ដោយសារ...

កូរ៉េខាងត្បូង៖ Park Jiyeon ដែលជាសមាជិកក្រុមចម្រៀង T-ara បានបញ្ជាក់ថានាងបានដាក់ពាក្យបណ្ដឹងលែងលះស្វាមីដែលជាអ្នកលេងបាល់ Baseball ឈ្មោះ Hwang Jae Gyun ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី៥ខែតុលាកន្លងទៅនេះ ផ្នែកភ្នាក់ងារច្បាប់តំណាងឲ្យ Jiyeon បានទម្លាយថាអ្នកទាំងពីរឈានដល់ការចែកផ្លូវគ្នាបែបនេះគឺដោយសារចរិតខុសគ្នាពេក និងពុំអាចបន្តជីវិតអាពាហ៍ពិពាហ៍បន្តទៀតបានទើបសម្រេចចិត្តថានឹងលែងលះ ដោយមានការព្រមព្រៀងទាំងសងខាង។

គួរបញ្ជាក់ផងដែរថា Hwang Jae Gyun គឺជាមិត្តប្រុសដែលបានស្រលាញ់គ្នាជាមួយ Park Jiyeon អស់រយៈពេល៦ខែមុននឹងប្រកាសរៀបការកាលពីឆ្នាំ២០២២ ប៉ុន្តែគួរឲ្យសោកស្ដាយដែលចំណងអាពាហ៍ពិពាហ៍ពួកគេបានមកដល់ទីបញ្ចប់៕  

ប្រភព៖: soompi

• រូបភាព
• តារាកូរ៉េ