កូរ៉េខាងត្បូង៖ Jennie ដែកជាសមាជិកក្រុមចម្រៀងនារី BLACKPINK បានប្រកាសថានាងនឹងចេញបទចម្រៀងថ្មីដំបូងគេក្រោមផលិតកម្ម ODD ATELIER របស់ខ្លួនមានឈ្មោះថា Mantra នាថ្ងៃទី១០ខែតុលានេះហើយ។
មុនពេលវីដេអូចម្រៀងពេញមកដល់ Jennie ក៏បានបង្ហោះរូបភាព Teaser ជាច្រើនដែលភាគច្រើនគឺស្ទាយ៍បែប Retro និង Vintage ដែលធ្វើឲ្យអ្នកគាំទ្រមានការរំភើបញាប់ញ័រចាំតាមដានបទថ្មីរបស់នាង។
ដោយឡែក ថ្មីៗនេះ Jennie បានចេញមកបង្ហោះរូបភាពបង្អួតរាងក្នុងឈុតបែបសិស្សសាលា គឺអាវក្រៅពណ៌ផ្ទៃមេឃជាមួយនឹងអាវសពីខាងក្នុង និងក្រវាត់កឆ្នូតៗគូជាមួយនឹងសំពត់ខ្លីបណ៌ខ្មៅ ដោយនាងបានស្លៀកបន្ថែមជាមួយនឹងស្រោមបាពណ៌ខ្មៅ និងស្បែកជើងពណ៌ក្រហម ដោយពាក់ស្រោមជើងពណ៌ស។ ក្នុងនោះនាងបានថតនៅទីក្រុងប៉ារីស ដោយបានជិបសាំប៉ាញ ជាមួយនឹងការតុបតែងមុខសាមញ្ញៗនិងស្ទាយ៍សក់ក្រងពិតជា មើលទៅពិតស្រស់ស្អាត ក្មេងជាងវ័យដូចសិស្សសាលាពិតៗ៕
ប្រភព៖: allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
