Sandara ក្រុម 2NE1 ត្រូវគេរិះ»-គន់ព្រាត ដោយសារធ្វើបែបនេះដាក់ Jennie

កូរ៉េខាងត្បូង៖ ពិតណាស់ ក្រុមចម្រៀង 2NE1 ទើបតែបានវិលត្រឡប់មកឆាកតន្ត្រីសាជាថ្មី ជាមួយនឹងការប្រគុំតន្ត្រីមួយមានឈ្មោះថា "Welcome Back" ដែលបានធ្វើឡើងរយៈពេលបិថ្ងៃគឺថ្ងៃទី៤ ដល់ទី៦ ខែតុលាកន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ មិនត្រឹមតែអ្នកគាំទ្រទេដែលបានចូលរួម សូម្បីតារាចម្រៀងនិងសម្ដែងល្បីៗជាច្រើនទៀតក៏បានចូលរួមទស្សនាដែរ ដោយសារ 2NE1 ចាត់ទុកជាក្រុមចម្រៀងរៀមច្បងដ៏អស្ចារ្យ ដែលអ្វីគួរឲ្យចាប់អារម្មណ៍នោះគឺ Jennie ជាសមាជិកក្រុមចម្រៀងនារី BLACKPINK ក៏បានចូលរួមដែរ។

នៅក្នុងវីដេអូនោះ នាងបានរាំនិងច្រៀងតាមសិស្សច្បង 2NE1 មើលទៅពិតជាសប្បាយរីករាយនិងថែមទាំងបានថតរូបនៅក្រោយឆាកជាមួយនឹងតារានៅផលិតកម្ម YG ផ្សេងទៀតទៀតផង។ យ៉ាងណាមិញ ក្រោយការប្រគុំតន្ត្រីចប់ Sandara Park បានបង្ហោះរូបថតដែលនាងបានថតជុំគ្នាជាមួយគ្រួសារ YG ទាំងអស់ ប៉ុន្តែគ្មានមួយសន្លឹកណាមានរូប Jennie នោះឡើយទាំងដែល Jennie បានចូលរួមថតដែរ។

ទង្វើនេះធ្វើឲ្យអ្នកគាំទ្រមួយចំនួនមានការអាក់អន់ស្រពន់ចិត្ត អ្នកខ្លះទៀតក៏បានរិះគន់ Sandara ថានាងមានចេតនាបំបិទរូប Jennie ចោល ខណៈដែលអ្នកគាំទ្រក្រុមទាំងពីរ (BLACKJACK X Blink) មានការឈ្លោះប្រកែកគ្នាជាយូរមកហើយដោយសារអ្នកគាំទ្រ 2NE1 គិតថាដោយសារតែ BLACKPINK ទើប ផលិតកម្ម YG មិនយកចិត្តទុកដាក់នឹង 2NE1។ ដោយឡែក អ្នកគាំទ្រផ្សេងទៀតគិតថា វាគ្រាន់តែជារូបភាពប៉ុណ្ណោះហើយ Sandara បង្ហោះរូបទាំងនេះដោយគ្មានបង្កប់ចេតនាអ្វីនោះឡើយ៕

YG Family ? pic.twitter.com/P91MIf56yL

— Sandara Park (@krungy21) October 7, 2024

ប្រភព៖: koreaboo

• រូបភាព
• តារាកូរ៉េ