Jessi រងការរិះ»-គន់សម្បើម ក្រោយឈរមើលគេធ្វើបែបនេះ ដាក់ហ្វេនខ្លួនឯង

កូរ៉េខាងត្បូង៖ ព័ត៌មានផ្នែកកម្សាន្តកំពុងផ្ទុះខ្លាំងនៅក្នុងប្រទេសកូរ៉េខាងត្បូង បានកើតឡើងទៅលើតារាចម្រៀងស្រីពូកែរ៉េប Jessi ដោយមហាជនបានរិះគន់លើរូបនាងព្រោងព្រាតដោយសារទង្វើអមនុស្សធម៌របស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីពេលថ្ងៃទី១១ខែតុលានេះ វីដេអូយកចេញពីកាំមេរ៉ាសុវត្ថិភាពបានបង្ហាញឲ្យឃើញថា កាលពីថ្ងៃទី២៩ ខែកញ្ញាអ្នកគាំទ្រម្នាក់របស់ Jessi ត្រូវបានមិត្តភក្តិគូកនរបស់នាងវ៉ៃដំ នៅនឹងមុខ ប៉ុន្តែនាងបែរជាមិនខ្វល់ហើយថែមទាំងធ្វើមិនដឹងមិនឮនិងប្រញាប់ចាកចេញពីហេតុការណ៍នោះ ដោយមិនប្ដឹងប៉ូលិសឬព្យាយាមឃាត់គេទៀតផង។

ជនបង្កដែលបានប្រើអំពើហិង្សាទៅលើអ្នកគាំទ្រ Jessi គឺជាអ្នកស្គាល់និងដើរជាមួយនាង ដែលមុនដំបូង នាងនិងមិត្តភក្តិគូកនបានដើរទៅលើផ្លូវតូចមួយ ហើយមានអ្នកគាំទ្រម្នាក់បានចូលមកសុំហត្ថលេខារបស់នាង តែត្រូវមិត្តភក្តិនោះព្យាយាមបញ្ឈប់និងបានប្រើពាក្យអសុរសទៅលើគេ។

Jessi បានសុំទោសនិងបាននិយាយថា នាងមិនអាចថតរូបជាមួយគេបានឡើយ តែសុខៗ ពេលហ្វេនម្នាក់នោះរកដើរចេញហើយ ស្រាប់តែមានគ្នីគ្នារបស់នាងម្នាក់ប្រើអំពើហិង្សាលើគេតែម្ដង។ Jessi ឃើញហើយបែរជានៅធ្វើឈរមើលធម្មតាបន្ទាប់ក៏ដើរចេញពីហេតុការណ៍នោះ ទាំងមិនបានប្ដឹងប៉ូលិសឬធ្វើអីទាំងអស់ រួចបន្ទាប់មកទើបជនរងគ្រោះបានតេទៅប្ដឹងប៉ូលិស ដែលគេមានអាយុត្រឹមតែ១៨ឆ្នាំប៉ុណ្ណោះ៕  

ប្រភព៖: allkpop

• រូបភាព
• តារាកូរ៉េ