តែងខ្លួនសាមញ្ញមែន តែមួយឈុតនេះ Jennie ទន់ភ្លន់ដូចអ្នកនាងអភិជន

កូរ៉េខាងត្បូង៖ ដូចដែលប្រិយមិត្តបានជ្រាបហើយថា Jennie ដែលជាសមាជិក BLACKPINK បានបញ្ចេញនូវបទចម្រៀងថ្មីមានចំណងជើងថា "Mantra" និយាយពីច្បាប់របស់ស្រីស្អាតនិងការលើកកម្ពស់នារី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គិតមកទល់ពេលនេះបទ Mantra នេះមានអ្នកចុចចូលមើលដល់ទៅ ១៤លាននាក់ហើយ និងបានទទួលការសរសើរយ៉ាងច្រើនកុះករពីសំណាក់អ្នកគាំទ្រ។

ដោយឡែកដើម្បីជាការអបអរការចេញបទចម្រៀងថ្មីរបស់នាងក្រោមស្លាកផលិតកម្ម ODD ATELIER គឺ Jennie បានចេញមកសំំណេះសំណាល Live ផ្ទាល់ជាមួយនឹងអ្នកគាំទ្រនៅក្នុង Weverse ដោយបានជជែកលេងក៏ដូចជានិយាយពីបទចម្រៀងរបស់នាង។

ក្នុងនោះ នាងបានស្លៀកពាក់និងតែងខ្លួនយ៉ាងសាមញ្ញគឺអាវរឹបដៃវែងពណ៌ស និងខោពណ៌ខ្មៅហើយសក់នាងក៏សិតពុះកណ្ដាលទម្លាក់ពេញខ្នងឡើងត្រង់ភ្លឹង ខណៈផ្ទៃមុខផាត់បែបទឹកក្រូចៗ ពិតជាមើលទៅស្រស់ស្អាតបែបទន់ភ្លន់ និងគួរឲ្យស្រលាញ់៕  

• រូបភាព
• តារាកូរ៉េ