អតីតសមាជិក Crayon Pop បានទម្លាយថានាងមានជំងឺមហារីក

កូរ៉េខាងត្បូង៖ អតីតសមាជិក Crayon Pop មានឈ្មោះថា ChoA បានទម្លាយថានាងបានកើតជំងឺមហារីក មាត់ស្បូន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាថ្ងៃទី១៤ខែតុលានេះ ChoA បានថ្លែងប្រាប់ទៅអ្នកគាំទ្រតាមរយៈសានៅក្នុងគណនីបណ្ដាញសង្គម Instagram របស់នាងថា នាអាយុ៣៣ឆ្នាំ នាងត្រូវបានគេរកឃើញថាមានជំងឺមហារីក ហើយក្រោយរៀបការបាន១ឆ្នាំ នាងទើបតែបានដឹងថានាងបានកើតជំងឺដ៏កាចសាហាវនេះ។

នាងបានបន្តទៀតថា នាងសឹងតែមិនជឿដែលខ្លួនឯងបានកើតជំងឺមហារីក ព្រោះនាងមានសុខភាពល្អនិងរឹងប៉ឹងខ្លាំងណាស់ ប៉ុន្តែនាងបានទៅឆែកសុខភាពនៅមន្ទីរពេទ្យប្រាំផ្សេងគ្នាតែមិនទាន់ចេញលទ្ធផលនៅឡើយទេ។ ជំងឺមហារីករបស់នាងទើបតែឈានមកដល់ដំណាក់កាលទី១ ដែលមានដុំសាច់មហារីកលូតចំនួន៣សង់ទីម៉ែត្រប៉ុន្តែនាងនឹងធ្វើគ្រប់យ៉ាងដើម្បីតស៊ូជាមួយនឹងជំងឺនេះ ដោយមានការលើកទឹកចិត្តពីស្វាមី៕  

ប្រភព៖: allkpop

• រូបភាព
• តារាកូរ៉េ