លេងឈុតក្រហមរឹបរាង អ៊ីចឹងទៅ Lisa ស្អាតឆ្វាច មានអំណាចដូចរាជិនី

កូរ៉េខាងត្បូង៖ ដូចដែលប្រិយមិត្តបានជ្រាបច្បាស់ហើយថា Lisa ដែលជាសមាជិកក្រុមចម្រៀងនារី BLACKPINK នៅតែរក្សាកេរ្តិ៍ឈ្មោះល្បីរន្ទឺ បើទោះបីជាបានចែកផ្លូវជាមួយនឹងផលិតកម្ម YG ហើយក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះនាងបានលេចមុខនៅក្នុងកម្មវិធីជាហូរហែ មិនថាកម្មវិធីប្រគុំតន្ត្រីក្រៅស្រុក កម្មវិធីប្រគល់ពានរង្វាន់ឬកម្មវិធីដើរម៉ូតនានា ហើយកាលពីថ្ងៃទី១១ខែតុលាកន្លងទៅនេះ Lisa បានធ្វើឲ្យអ្នកគាំទ្រចំហមាត់ម្ដងទៀត ក្រោយបង្ហាញខ្លួនក្នុងកម្មវិធីរំលឹកខួប១៤០ឆ្នាំរបស់ម៉ាកយីហោ Bvlgari ដែលនាងធ្វើជាទូតសុឆន្ទៈសកល នាទីក្រុងសេអ៊ូល ប្រទេសកូរ៉េខាងត្បូង។

Lisa បានស្លៀករ៉ូបរឹបរាងពណ៌ក្រហមចាំង កក្អម ជារបៀបរ៉ូបអាចមើលធ្លុះដល់សាច់ខាងក្នុងតែមានសាច់ក្រណាត់រឹបត្រង់ខាងលើនិងដងខ្លួនខាងក្រោមតែបញ្ចេញក្បាលពោះរាបស្មើ ហើយនាងក៏បានពាក់គ្រឿងអលង្ការរបស់ Bvlgari មើលទៅពិតជាស្រស់ស្អាតនិងលេចធ្លោ។ ក្រៅពីនោះ Lisa ក៏បានផាត់មុខបែបស៊ិចស៊ី និងលើកសក់បួងឡើង ទម្លាក់សក់ខាងមុខវែកទៅចំហៀងខាងស្ដាំ ពិតជាមើលទៅស្រស់ស្អាតនិងជះចំហាយអភិជនមែនទែន៕  

ប្រភព៖: fashonation

• រូបភាព
• តារាថៃ
• តារាកូរ៉េ