អាហ្សង់ទីន៖ ជារឿងគួរឲ្យសោកស្ដាយនិងគួរឲ្យរន្ធត់មួយ ក្រោយសារព័ត៌មានផ្លូវការនិងធំៗជាច្រើនបានចុះផ្សាយថាលោក Liam Payne ជាអតីតសមាជិកក្រុមចម្រៀងបុរស One Direction បានទទួលមរណភាពកាលពីព្រឹកថ្ងៃទី១៧ខែតុលាមុននេះបន្តិច។
យោងតាមការស្រាយបំភ្លឺរបស់ប៉ូលិសប្រចាំក្រុង Buenos Aires ប្រទេសអាហ្សង់ទីនបានទម្លាយថា សាកសពរបស់ Liam ត្រូវបានរកឃើញថាបានធ្លាក់ចុះពីបន្ទប់សណ្ឋាគារជាន់ទី៣ នៅឯទីក្រុង Buenos Aires ប្រទេសអាហ្សង់ទីន។
គេពុំអាចជួយសង្គ្រោះជីវិតរបស់តារាចម្រៀងប្រុសម្នាក់នេះបាននោះទេដោយសាររបួសធ្ងន់ធ្ងរពេកហើយទម្រាំក្រុមសង្គ្រោះបន្ទាន់មកដល់ Liam បានបាត់បង់ជីវិតទៅហើយ ប៉ុន្តែយ៉ាងណាមិញ ប៉ូលិសនៅបន្តស៊ើបអង្កេតមូលហេតុនៃការស្លាប់របស់តារាចម្រៀងប្រុសម្នាក់នេះនៅឡើយ។
គេបានរកឃើញភ័ស្តុតាងមួយចំនួននៅក្នុងបន្ទប់សណ្ឋាគារដែល Liam ស្នាក់នៅ ដូចជាទូរទស្សន៍ដែលបានបែកដូចឆ្លងកាត់ការវាយកម្ទេចនិងមានថ្នាំញៀនមួយចំនួននៅលើតុផងដែរ ប៉ុន្តែគេពុំទាន់សន្និដ្ឋានច្បាស់លាស់ថាវាជាករណីឃាតកម្ម ឬបណ្ដាលមកពីមូលហេតុអ្វីនោះឡើយ៕
ប្រភព៖: theguardian
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
