កម្សាន្ត៖ នៅល្ងាចថ្ងៃទី ១៣ ខែតុលា (ម៉ោងក្នុងស្រុក) តារាចម្រៀងស្រី Selena Gomez ត្រូវបានគេឃើញថា បានចាកចេញពីភោជនីយដ្ឋានប្រណីតមួយកន្លែង ក្នុងទីក្រុងញូវយ៉ក ដែលការបង្ហាញខ្លួនរបស់នាង បានទាក់ទាញចំណាប់អារម្មណ៍ភ្លាមៗ ដោយនាងបានបង្ហាញភាពរួសរាយរាក់ទាក់ បានថតរូប និងចុះហត្ថលេខាឱ្យអ្នកគាំទ្រ។
ជាពិសេស បន្ទាប់មក តារាស្រីរូបនេះ បានឱ្យប្រាក់ ២០ ដុល្លារ ដល់អ្នកសុំទាន ហើយនិយាយថា «ញ៉ាំអាហារឆ្ងាញ់ៗ»។ តែអ្វីដែល Selena Gomez មិនបានរំពឹងទុកនោះគឺ សកម្មភាពដែលហាក់ដូចជាធម្មតាមួយនេះ បានបង្កភាពចម្រូងចម្រាសលើបណ្ដាញសង្គម។
យ៉ាងណាមិញ ទស្សនិកជនមួយផ្នែក បានរិះគន់រូបនាងថា កំណាញ់ ដោយគ្រាន់តែផ្តល់ប្រាក់តិចតួច ដល់ជនអនាថា ខណៈពេលដែលរូបនាង កំពុងមានទ្រព្យសម្បត្តិសរុបជាង រាប់ពាន់លានដុល្លារ។
តែទោះជាយ៉ាងណា ក៏នៅមានមនុស្សជាច្រើនទៀត បានចេញមុខការពារតារាស្រីរូបនេះ ដោយពួកគេបានប្រកែកថា Selena មានកាយវិការដ៏ស្រស់ស្អាត ហើយមិនសមនឹងរងការវាយប្រហារ ពីសំណាក់សាធារណជនឡើយ៕
ប្រភព៖ Kenh14
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
