អាយុ៧៨ហើយ Cher ចេញមកបណ្ដើរគូស្នេហ៍វ័យក្មេ»-ង ខុសគ្នា៤០ឆ្នាំ យ៉ាងផ្អែមល្ហែម

អាមេរិក៖ Cher គឺជាតារាចម្រៀងជើងចាស់ម្នាក់របស់អាមេរិក ដែលនៅតែរក្សាកេរ្តិ៍ឈ្មោះដ៏ល្បីល្បាញ ដោយមានអ្នកគាំទ្រជាច្រើន នៅតែបន្តតាមដានក៏ដូចជាចាប់អារម្មណ៍ពីជីវិតរបស់លោកស្រី ទោះបីឆ្នាំនេះលោកស្រីមានអាយុ៧៨ឆ្នាំហើយក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើងាកមកជីវិតក្រៅឆាកវិញ Cher ពិតជាមានក្ដីសុខណាស់ដោយនៅតែបន្តផ្អែមល្ហែមជាមួយនឹងគូស្នេហ៍វ័យក្មេង Alexanddr AE Edwards ដែលមានអាយុ៣៨ឆ្នាំគឺបងលោកស្រីដល់ទៅ៤០ឆ្នាំឯណោះ។ ថ្មីៗនេះ Cher បានចេញមកបណ្ដើរគូស្នេហ៍និងកូនប្រុសរបស់គេ ក្នុងពិធីសម្ពោធខ្សែភាពយន្តមួយនៅ Santa Monica រដ្ឋកាលីហ្វ័រញ៉ា។

ក្នុងនោះ Cher បានស្លៀកខោនិងអាវពណ៌ឈាមជ្រូក ពាក់ពីលើដោយអាវស្បែកពណ៌ខ្មៅ ឈរយ៉ាងស្រស់ស្អាតក្បែរគូស្នេហ៍និងកូនប្រុសគេទាំងទឹកមុខពោរពេញដោយស្នាមញញិម។ លោកស្រីបានធ្វើសក់មូររួញទឹករលកផ្នត់ធំដែលជាស្ទាយ៍ប្រចាំខ្លួន លើកទម្រង់មុខឡើងក្មេងជាងវ័យ រហូតអ្នកគាំទ្រសរសើរថាលោកស្រីអាយុមិនសម៧៨សោះ៕  

ប្រភព៖: pagesix

• រូបភាព
• តារាអន្តរជាតិ