អ្នកគាំទ្រភ្ញាក់ផ្អើល ក្រោយឃើញ G-Dragon មុខកាន់តែក្មេ»-ងឡើងៗ

កូរ៉េខាងត្បូង៖ បើនិយាយពីតារាចម្រៀងរៀមច្បងរបស់កូរ៉េដែលពូកែខាងរ៉េបនោះ គេតែងនឹកដល់តារាចម្រៀងរ៉េប G-Dragon ដែលជាមេក្រុម Big Bang ដោយលោកនៅតែរក្សាកេរ្តិ៍ឈ្មោះយ៉ាងល្អត្រចះត្រចង់ ទោះបីឆ្លងកាត់រឿងអាស្រូវប្រើប្រាស់សារធាតុខុសច្បាប់ក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ ក្រោយចែកផ្លូវគ្នាជាមួយ YG Entertainment គឺ G-Dragon បានចូលរួមជាមួយផលិតកម្ម Galaxy និងបង្ហើបប្រាប់អ្នកគាំទ្រថាគេជិតនឹងចេញចម្រៀងថ្មីហើយ ដែលនោះធ្វើឲ្យ G-Dragon រាងសកម្មជាងមុនដោយលេចមុខក្នុងកម្មវិធី "You Quiz On The Block" ។

នៅក្នុងវីដេអូ Trailer បង្ហោះដោយខាងកម្មវិធីផ្ទាល់ ជាមួយនឹងការស្លៀកពាក់យ៉ាងផ្លូវការគឺអាវគ្រ័រហ្សេពណ៌ខ្មៅ ចងដោយក្រវាត់កពណ៌ក្រហម និងមានផ្កានៅក្នុងហោប៉ៅ ហើយអ្វីដែលកាន់តែពិសេស G-Dragon មិនបានលេងស្ទាយ៍ផាត់មុខកាចៗដូចមុននោះឡើយ គឺទុកមុខឲ្យនៅធម្មជាតិ ធ្វើឲ្យមើលទៅមុខគេកាន់តែក្មេងនិងម៉ដ្ឋខៃ រហូតអ្នកគាំទ្រសរសើរថាអាយុចូល៣៦ហើយ តែគេក្មេងទៅៗ៕

ប្រភព៖: allkpop

• រូបភាព
• តារាកូរ៉េ