ឡើងគីឡូជាងមុនមែនតែ ចាង ស៊ីប៊ីយុ ត្រូវគេសរសើរថាស្អា»-តជា»-ងពេលស្គ»-ម

កូរ៉េខាងត្បូង៖ Yoona ឬអ្នកតាមដានវិស័យរឿងភាគកូរ៉េស្គាល់ក្នុងនាមជាតួអង្គ "ចាង ស៊ីប៊ីយុ" ក្នុងរឿង "អូនជាបេះដូងបង" នោះ ត្រូវបានគេប្រសិទ្ធិនាមថាជាតារាចម្រៀងស្រី KPOP ជំនាន់ទី២ដ៏ស្រស់ស្អាតបំផុត គឺមានទាំងអត្តចរិតនិងរូបសម្ផស្ស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែសម្រស់ខាងក្រៅទេ Yoona ក៏ត្រូវគេចាត់ទុកជារៀមច្បងគម្រូដែលសឹងតែគ្មានរឿងអាស្រូវណាមួយផង ហើយនាងក៏មានចរិតស្លូតបូតសុភាពរាបសារតែទៅណាមក តែងតែលេចធ្លោជានិច្ច។

ថ្មីៗនេះ Yoona បានបង្ហាញខ្លួននៅក្នុងកម្មវិធីសម្ពោធខ្សែភាពយន្ត Confidential Assignment 2: International ហើយសម្រស់របស់នាងត្រូវគេលើកយកមកជជែក។ ក្នុងនោះនាងបានបង្ហាញខ្លួនក្នុងរ៉ូបពណ៌ទឹកប៊ិចចាស់ ជាមួយនឹងការតុបតែងផ្ទៃមុខបែបធម្មជាតិ សឹងតែមើលទៅមិនមានផាត់មុខផង ជាមួយនឹងការទម្លាក់សក់មកខាងមុខ បង្ហាញទម្រង់មុខពងក្រពើដ៏ទាក់ទាញ។

អ្វីដែលជាទីកត់សម្គាល់នោះ Yoona មើលទៅដូចជាឡើងគីឡូជាងមុនបន្តិច តែជំនួសឲ្យទទួលបានពាក្យរិះគន់ គេនាំគ្នាសរសើរថា នាងពិតជាស្រស់ស្អាតខ្លាំងជាមួយទម្រង់មុខរាងមានសាច់បែបនេះ ព្រោះកាលពីនាងនៅស្គមជាងនេះ គឺផ្ទៃមុខរបស់នាងរាងជ្រុង មើលទៅមិនសូវស្អាតខ្លាំង ដែលធ្វើឲ្យនាងជាតារាស្រីដែលឡើងគីឡូហើយ បែរជាត្រូវអ្នកគាំទ្រសរសើរទៅវិញ៕  

ប្រភព៖: koreaboo

• រូបភាព
• តារាកូរ៉េ