Han So Hee សារភាពថានាងបានកុហក អ្នកគាំទ្រលើរឿងមួយនេះ

កូរ៉េខាងត្បូង៖ ប្រិយមិត្តប្រាកដជាបានស្គាល់ហើយថា កញ្ញា Han So Hee គឺជាតារាសម្ដែងដ៏ល្បីឈ្មោះម្នាក់របស់កូរ៉េខាងត្បូង ដែលជារឿយៗនាងតែងតែទទួលបានការចាប់អារម្មណ៍ខ្លាំង ពេលបង្ហាញខ្លួនម្ដងៗ។ យ៉ាងណាមិញ វិថីអាជីពរបស់នាងមិនមែនល្អស្អាតគ្មានរឿងអាស្រូវនោះឡើយ ព្រោះកាលពីដើមឆ្នាំ២០២៤នេះ នាងបានមានជម្លោះជាមួយអតីតមិត្តស្រីរបស់អតីតមិត្តប្រុសនាង ដែលនាំឲ្យមានបញ្ហាចម្រូងចម្រាសជាច្រើន ប៉ុន្តែនាងនៅតែរក្សាភាពល្បីល្បាញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រហូតមកទល់ថ្មីៗនេះទើប Han So Hee បានចេញមុខមកសារភាពថានាងបានកុហកអ្នកគាំទ្ររឿងអាយុរបស់នាង ដោយឆ្នាំដែលនាងកើតពិតប្រាកដគឺ ១៩៩៣ តែក្នុងបញ្ជីដាក់ថានាងកើតនៅឆ្នាំ១៩៩៤ទៅវិញ។

ខាងផលិតកម្មរបស់នាងបានចេញមកបកស្រាយថា មូលហេតុដែលនាងប្ដូរឆ្នាំកើតដោយសារតែបញ្ហារឿងម្ដាយនាងត្រូវគេចាប់ខ្លួន ហើយនាងក៏បានសម្រេចចិត្តផ្អាករៀនមួយឆ្នាំ ហើយចូលរៀនថ្នាក់ទី៤វិញ ក៏ធ្វើឲ្យមានការប្ដូរឆ្នាំកើតបែបនេះតែម្ដង។

Han So Hee ក៏ធ្លាប់ចេញមកនិយាយដែរថា នាងរស់នៅតែជាមួយជីដូនប៉ុណ្ណោះក្រោយឪពុកម្ដាយលែងលះគ្នានិងមិនបានទាក់ទងម្ដាយនាងទៀតទេ ប៉ុន្តែនាងធ្លាប់សងបំណុលជំនួសម្ដាយនាងដែរ៕

ប្រភព៖: allkpop

• រូបភាព
• តារាកូរ៉េ