Jennifer Lopez នៅតែធ្វើរឿងមួយនេះ ជាមួយកូនៗរបស់ស្វាមី ទោះកំពុង»»-លែ»»-ង»»-លះ»»-គ្នា

កម្សាន្ត៖ តារាចម្រៀងស្រី Jennifer Lopez បានទាញយកចំណាប់អារម្មណ៍ ដោយរូបនាង នៅតែទាក់ទងជាមួយនឹងកូនៗទាំងបីរបស់ អតីតស្វាមី Ben Affleck ទោះបីជានាងបានដាក់ពាក្យលែងលះកាលពីខែសីហា ក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ មានប្រភពព័ត៌មានមួយ បានបង្ហាញនៅក្នុងទស្សនាវដ្តី People នៅថ្ងៃទី ៦ ខែវិច្ឆិកា ដោយបានបានលើកឡើងថា «គ្រួសាររបស់នាងទាំងអស់ស្រឡាញ់កូនរបស់ Ben ។ Jennifer ចង់ឱ្យក្មេងៗដឹងថា ពួកគេអាចទាក់ទងនាង ប្រសិនបើពួកគេត្រូវការអ្វីមួយ»។ 

យ៉ាងណាមិញ ប៉ុន្មានខែចុងក្រោយនេះ Jennifer Lopez បានជួបកូនៗរបស់អតីតស្វាមីជាមួយតារាសម្ដែង Jennifer Garner, Violet អាយុ ១៨ ឆ្នាំ, Fin អាយុ ១៥ ឆ្នាំ និង Samuel អាយុ ១២ ឆ្នាំ។ ហើយកាល​ពី​ខែ​កញ្ញាកន្លងទៅ តារា​ចម្រៀងស្រីរូបនេះ និង Ben Affleck ក៏បាន​នាំ​កូនៗ​ទៅ​ញ៉ាំ​អាហារ​ថ្ងៃត្រង់​នៅ​សណ្ឋាគារមួយ។ Jennifer Lopez ​បាន​ដឹក​កូន​ស្រី​អាយុ ១៦ ឆ្នាំ​ឈ្មោះ Emme ទៅ​ផ្ទះ Jennifer Garner ដើម្បី​ឲ្យ​កូន​ៗ​ដើរ​លេង​ជាមួយ​គ្នា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ